Í sumar efna sparisjóðirnir til ljósmyndakeppni fyrir þá krakka sem eru félagar í Króna og Krónu og Speki klúbbunum. Króna og Króni er klúbbur fyrir krakka upp að sjö ára aldri. Speki er nýr klúbbur Sparisjóðsins fyrir krakka á aldrinum 8-11 ára sem finnst gaman að spegúlera í öllum heimsins ráðgátum og vilja hafa fjármálin sín á hreinu og snemma beygist krókurinn að því sem verða vill og því eins gott að hafa peningamálin á hreinu. Lesa meira

Það var á glæsilegum leikvangi Fjölnismanna sem algerlega andlaust lið Sindramanna sem mætti til sláttrunar. Fjölnir tók strax öll völd á vellinum og voru búnir að eiga nokkur góð færi áður en þeir skoruðu á 24 mín. eftir varnarmistök. Fjölnismenn héldu áfram að ráða gangi leiksins og voru líklegri, en það voru Sindramenn sem skoruðu gegn gangi leiksins. Heiðar skoraði af stuttu færi eftir fyrirgjöf Jóns Eiríkssonar á 35 mín. Það sem eftir lifði fyrri hálfleiks sýndi liðið smá lífsmark en án þess að valda nokkrum vandræðum fyrir Fjölnismenn. Lesa meira

Mörg fyrirtæki gefa starfsfólki sínu tækifæri til að komast snemma í frí fyrir verslunarhelgina. Hjá Bestfiski á Höfn var síðasti móttökudagur af bátunum í gær þriðjudag, þannig ætti að takast að vinna upp á fimmtudag. Fiskgæði taka á móti fiski fram á fimmtudag. Lesa meira

Góð aðsókn hefur verið að Jöklasýningunni í sumar og sýningargestir nokkuð á annað þúsund. Aðgangur var ókeypis á sýninguna um síðustu helgi í tilefni þess að sett hafa verið upp tvö líkön á sýningunni. Annars vegar líkan af landinu öllu með hnappaborði, sem upplýsir staðsetningu hvers jökuls ásamt grunnupplýsingum um þá og hins vegar stórt líkan af Vatnajökli og umhverfi hans. Líkönin eru gerð af Sigurði Halldórssyni í Módelsmíði ehf. Lesa meira

Roger Crofts,fyrrum framkvæmdastjóri Scottis Natural Herritage, sem er stofnun sem fer með yfirstjórn náttúruverndar í Skotlandi, hélt fyrirlestur um Vatnajökulsþjóðgarð á Hótel Skaftafelli í Freysnesi 23. þ.m. Crofts fjallaði um helstu atriði sem hann telur að þurfi að taka á svo Vatnajökulsþjóðgarður verði að veruleika. Um þrjátíu manns mættu á fyrirlesturinn ásamt þeim Einari Sveinbjörnssyni aðstoðarmanni umhverfisráðherra og Tryggva Felixsyni framkvæmdastjóra Landverndar. Lesa meira

Miklar framkvæmdir eru hafnar við golfvöllinn á Höfn. Vegur hefur verið lagður yfir leiruna norðan við Silfurnesið, þar sem golfvöllurinn er, yfir á Langhólanes þar sem nýtt svæði verður tekið undir golfvöll, viðbót við þann sem fyrir er. Vegtenging verður yfir leiruna milli vallanna. Önnur tenging verður frá Langhólanesi í hólmann og úr hólmanum verður slegið í land. Lesa meira

Í fuglaskoðunarferðum, sem eru alla miðvikudaga í sumar, er farið frá Þjónustumiðstöðinni á Höfn og haldið í Sílavík og inn undir Ægissíðu. Þar er fjölbreitt fuglalíf og gott að komast nálægt fuglunum. Björn Arnarson fuglaáhugamaður og leiðsögumaður segir að núna þegar vaðfuglarnir fari að koma aftur á leirurnar verði Sílavíkin paradís fyrir fuglaskoðara. Lesa meira

Sunddeild Sindra hefur æft af kappi í sumar og segir Hjördís Klara Hjartardóttir þjálfari þeirra að krakkarnir séu mjög efnileg og þetta sé duglegur og góður hópur. Byrjað var að æfa af kappi snemma í júní. Deildin skiptist í þrjá hópa og eru æfingar þrisvar í viku hjá þeim eldri en yngri flokkurinn tvisvar. Lesa meira

Meistaraflokkur kvenna hjá Sindra vann lið Fjarðarbyggðar 2-1. Þetta var baráttuleikur og höfðu Sindrastelpur 2-0 yfir í hálfleik. Í seinni hálfleik var töluverð pressa á mark Sindra en stúlkurnar með sjómanna- og víkingablóðið í æðum stóðust allar sóknir nema eina og uppskáru sætan sigur. Lesa meira

Sindraskvísur sem komnar eru af fræknum sjómönnum og víkingaættum eins og þær kynna sig fyrir keppnina ætla að berjast til síðasta blóðdropa á Sindravöllum á morgun laugardag en þar keppa þær um toppsæti 1. deildar við Fjarðabyggð. Lesa meira

Komin eru kort yfir gönguleiðir í Suðursveit og Nesjum með um 20 gönguleiðum í hvorri sveit. Framkvæmdanefnd var tilnefnd frá Búnaðarsambandi-Ferðafélagi- og Ferðamálafélagi A-Skaft og hún hefur það markmið að koma út gönguleiðakorti af hverri sveit í sýslunni þ.e. sérkorti af hverju svæði. Lesa meira

Stórhljómsveitin Gleðisveit Ingólfs sem vakið hefur mikla athygli á SkjáEinum er núna á leiðinni ásamt tökuliði SkjáEins til Hafnar til að skemmta á Víkinni föstudagskvöldið 25.júlí og mun tökulið SkjáEins mynda á Víkinni. Aðspurður um Hornafjörð segir Ingólfur umboðsmaður hljómsveitarinnar "Höfn er náttúrulega einn skemmtilegasti staðurinn á landinu þegar kemur að stemmingu og stuði og þetta er gott tækifæri fyrir Hornfirðinga að sýna Íslensku þjóðinni hvernig á að skemmta sér" og að sjálfsögðu tökum við undir orð hans. Lesa meira

Menningarmiðstöð Hornafjarðar hefur miðað sumarstarf sitt m.a. við að bjóða börnum og unglingum upp á eitthvað áhugavert í hverri viku yfir sumarið td. fjöruferð, fuglaskoðun, lúruveiði, söguferðir bæði innan bæjar og út um sveitir, fornleifaskráningu og myndlist allt undir góðri leiðsögn. Lesa meira

Banaslys varð í Almannaskarði um fjöguleitið í dag þegar að lítil jeppabifreið með fellihýsi fór út af veginum. Í bílnum voru fullorðin hjón sem munu hafa látist samstundis. Bifreiðin var á leið niður skarðið og fór út af veginum ofarlega í skarðinu og valt niður snarbrattar skriðurnar. Bílstjóri rútubifreiðar á leið út á Stokksnes sá slysið og tilkynnti það til lögreglu. Mjög slæmt skyggni og rigning var þegar slysið varð. Lögreglan á Höfn rannsakar slysið. Lesa meira

Þetta er búið að vera alveg frábært í ferðaþjónustunni hjá okkur í sumar, júní mánuður var eins og júlí alltaf fullbókað og vel pantað langt fram á haust og ef heldur áfram sem horfir verður þetta alveg topp sumar segir Laufey Helgadóttir sem rekur ferðaþjónustuna á Smyrlabjörgum í Suðursveit ásamt manni sínum Sigurbirni Karlssyni. Lesa meira

Reynir Arnórsson umferðarfulltrúi og Jónas Friðriksson björgunarsveitarmaður könnuðu bílbeltanotkun á Höfn í gær. Alls voru 260 bílar skoðaðir og reyndust 58 % bílstjóra vera með beltin spent og af 105 farþegum sem voru í þessum bílum voru 64 í beltum. Útkoman er betri en í júní, þá voru 47% með beltin spennt. Lesa meira

Góð veiði hefur verið hjá Hornafjarðar-smábátum undanfarið og hefur afli hjá þeim verið á annað tonn á bát og sumir með yfir tvö tonn. Aflinn er aðallega þorskur og ufsi. Ufsinn er ekki sérlega vinsæll núna fyrir það hvað lítið fæst fyrir hann. Tveir af stærri bátunum, Öðlingur og Gústi í Papey hafa verið á sjó en veiði verið lítil hjá þeim. Lesa meira

Sextán herbergja gistihúsi á hjólum var lagt á tjaldstæðinu á Höfn í gærkvöldi. Þar var á ferðinni 29 manna hópur frá Þýskalandi og Austurríki sem ferðast með rútu frá Hópferðamiðstöðinni og gistirútan, með íslenskum bílstjóra, fylgir með. Lesa meira

Í siðast liðinni viku var verið að gera auglýsingamynd við Jökulsárlón um hinn nýja SLR MCLaren sportbíl frá Mercedes Benz. Mikil leynd hvíldi yfir myndatökunni þar sem bíllinn verður ekki sýndur opinberlega fyrr en á bílasýningu í Franfurt í haust og óviðkomandi fengu ekki að koma nálægt tökustaðnum. Lesa meira

Meistaramót Golfklúbbs Hornafjarðar (GHH) sem var höggleikur án forgjafar fór fram á Silfurnesvelli um helgina og í þetta skipti var það Hörður Einarsson sem sigraði í karlaflokki, Guðrún Júlía Jónsdóttir í kvennaflokki og Páll Vignisson í unglingaflokki. Alls voru það 14 manns sem tóku þátt í mótinu. Skemmtilegt og spennandi mót sem fór fram í mjög góðu veðri. Lesa meira

Ökumenn sem ekið hafa eftir veginum út í Ósland í sumar eiga heiður skilið fyrir hvað þeir taka mikið tillit til kríuunganna sem virðast helst vilja vera á veginum og færa sig ekki eða fara burt fyrr en á síðustu stundu. Það má líklega telja á fingrum annarar handar hvað margir ungar hafa sést dauðir á veginum og er það sennilega met ef litið er til seinni ára. Lesa meira

Nýlega gerðu Skinney-Þinganes og ISS Ísland með sér verksamning sem felur í sér að frá 1. september n.k. tekur ISS Ísland við þrifum í húsnæði Skinney-Þinganes. Auglýst hafa verið nokkrar stöður við þrifin og er þar um að ræða 50-75% störf. Að sögn Ásgeirs Benediktssonar sem er gæðastjóri matvælasviðs hjá ISS Ísland þá mun verða innleitt nýtt þrifakerfi og búnaður sem auðveldar framkvæmdina. Lesa meira

Við spennum ekki bílbeltin fyrir lögregluna. Við spennum bílbeltin fyrir okkur sjálf og fyrir börnin okkar og við sjáum líka um að þau séu með beltin spennt áður en ekið er af stað”. Þetta eru verðugar ábendingar frá Reyni Arnþórssyni umferðarfulltrúa Slysavarnafélagsins. Stóra vandamálið í umferðinni er alltaf það sama þ.e. bílbeltanotkunin, hún er ekki góð segir Reynir. Lesa meira

Trjábúskapur er vaxandi búgrein á Íslandi og fjöldi bænda hefur skipt úr þessum hefðbundna búskap með kýr og kindur yfir í skógrækt. Þeir sem keypt hafa jarðir án búfés fara margir út í skógrækt. Hvað þarf sá að gera sem á jörð og vill gerast skógarbóndi? Rannveig Einarsdóttir svæðisstjóri hjá Suðurlandsskógi svarar þessu og segir að fyrst þurfi að ákveða hvort viðkomandi vill fara í skjólbeltarækt eða nytjaskógrækt en munurinn þar á er mikill. Lesa meira

Nú gefst þeim hornfirðingum sem vilja læra línudans og þeim sem þegar kunna sporin að mæta í Sindrabæ annað kvöld því þá mætir Jóhann Örn Ólafsson, danskennari úr Danssmiðjunni á staðinn og kennir línudans. Danssmiðjan var fyrstur dansskóla til að halda námskeið í línudansi sumarið 1996 og síðan þá hefur Jói Dans kennt þúsundum Íslendinga að stíga dansspor í línu. Lesa meira

Byrjað er á að gera göngubrú yfir Jökulsá í Lóni inn við Eskifell. Brúin verður 90 metra löng og að því best er vitaðverður þetta lengsta göngubrú á landinu. Brúin verður smíðuð í Reykjavík,samkvæmt útboði, og síðan sett saman á staðnum. Vegagerðin sér um að koma upp undirstöðum fyrir brúna. Áætlaður kostnaður er um 15 m.kr. Lesa meira

Í vor stóð Golfklúbbur Hornafjarðar fyrir kvennanámskeiði og voru 15 konur sem skelltu sér á námskeiðið og eru þær núna komnar á fullt í golfíþróttinni. Frá því námskeiðið var haldið hafa verið fyrirspurnir um hvenær von væri á nýju námskeiði enda golf skemmtileg íþrótt og góð útivera. Lesa meira

Ferðaþjónustan á Stafafelli í Lóni býður uppá rútuferðir í Kollumúla og einnig er hægt að fara í dagsferðir eða lengri ferðir og fara gönguleiðir um öræfin og taka fleiri daga í ferðina. Fjöldi ferðafólks er svipaður og sl.sumar en hlutföll íslendinga og útlendinga eru önnur þ.e. nú eru 80-90 % útlendingar sem koma en voru 50 % í fyrra. Lesa meira

Undanfarna daga hefur verið unnið að útskipun á brotajárni sem búið var að safna saman allstaðar að úr sveitarfélaginu. Einnig fer járn úr skermunum á Stokksnesi. Hringrás hf. tekur við brotajárninu þar sem því hafði verið safnað saman og sér um útskipun á því. Áætlað magn er á þriðja þúsund tonn. Lesa meira

Samkvæmt upplýsingum Hagstofu þá hefur hornfirðingum fjölgað um 3 á tímabilinu apríl-júní en þeim fækkaði um 21 frá áramótum til 31. mars. Á tímabilinu janúar til mars þá fluttu 39 manns úr sveitarfélaginu en 16 fluttu í sveitarfélagið. Mars-júní voru það 21 sem fluttu burtu en 24 fluttu í sveitarfélagið. Nú er bara að halda áfram og fjölga enn meir enda mannlíf gott og ákjósanlegur staður til búsetu. Lesa meira

Undanfarna daga hafa bæjarbúar á Höfn orðið varir við nokkra eldhressa unglinga sem hafa heimsótt ýmsa staði í bænum.Þetta er Íslandsleikhúsið á ferð um landið. Íslandsleikhúsið er verkefni sex sveitarfélaga á landinu og Ungmennafélags Íslands sem kosta húsnæði og uppihald þátttakendanna sem sjálfir sjá um að komast á milli staða. Lesa meira

Á opna HP golfmótinu sem fór fram á Silfurnesvelli í gær urðu Halldór Steinar og Guðný í fyrsta sæti. Veðrið spillti ekki fyrir en það var sól og um 20 stiga hiti á vellinum. Keppt var í kvenn- og karlaflokki og alls tóku 29 manns þátt í mótinu. Verðlaun ekki af verri endanum en þau voru tölvubúnaður í boði Opinna kerfa. Lesa meira

4. flokkur karla tók á móti Aftureldingu úr Mosfellsbæ inn á Mánavelli sl. föstudag, okkar drengir sáu aldrei til sólar og lokatölur 0-9. Næst var það mfl. karla sem tók á móti KFS frá Vestmannaeyjum og eftir góðan fyrri hálfleik var staðan 0-0. Strax í byrjun síðara hálfleiks skoruðu gestirnir úr víti. Lesa meira

Sólin leikur nú við Hornfirðinga og gesti þeirra en það var líf og fjör við þjónustumiðstöðina á Höfn í morgun og grill-pylsulyktina lagði um nágrennið. Haukur og Ásdís á Olís voru þar að grilla pylsur sem Olís bauð fólkinu sem er á húsbílaferð um landið uppá með gosi og tilheyrandi meðlæti. Lesa meira

Glæsilegur floti húsbíla streymdi inn á tjaldstæðið á Höfn rétt fyrir kvöldmatinn í kvöld. Hér voru á ferð fjörutíu og fimm húsbílar flestir af Reykjavíkursvæðinu á hringferð um landið. Hugi Einarsson í Þjónustumiðstöðinni tók á móti hópnum við sýslumörkin á Skeiðarársandi og afhenti öllum Suð-austurlands ferðabæklinga. Lesa meira

Hér er blíðskapar veður, logn og rakt, segir Einar Björn Einarsson ferðaþjónusturekandi við Jökulsárlón, þegar hann er spurður frétta um lífið og veruna við Jökulsárlón. Fjöldi ferðamanna er svípaður og var á sama tíma í fyrra. Mikið kríuvarp er á svæðinu við lónið og segir Einar Björn að meira sé af kríu núna en hefur verið undanfarið og mikið meira af síli í lóninu en áður svo fuglinn hefur nóg æti. Lesa meira

Júlímánuður er búinn að vera mörgum bændum í Hornafirði erfiður hvað heyskap snertir. Bændur hafa lítið getað heyjað sökum vætutíðar og sumir eru ekki byrjaðir að slá segir Stefanía hjá Búnaðarsambandi A-Skaft. Einhverjir náðu heyjum síðast í júní en síðan hefur ekki þornað nóg til að hægt væri að slá. Lesa meira

Í hörku knattspyrnuleik í 4 flokki kvenna sem fór fram á Sindravöllum í dag sigruðu Sindrastúlkurnar Einherja frá Vopnafirði 6-1. Þær sem skoruðu mörkin fyrir Sindra voru Hebba Björg Þórhallsdóttir 3 mörk, Semla Lind Jónsdóttir, Sandra Rán Ásgrímsdóttir og Ester Lind Hauksdóttir 1 mark hver. Lesa meira

Skinney-Þinganes ætlar að hafa lokað næstu fimm vikur vegna sumarleyfa hjá starfsfólkinu. Ekki fara þó allir úr saltfiskvinnslunni því tekið verður á móti fiski af trillubátum. Línubátar hafa veitt mjög vel undanfarið. Humarvertíð hefur gengið vel og er henni að ljúka. Lesa meira

Útgerðarfélagið Vísir hf. í Grindavík hefur keypt Útgerðarfélagið Garðey, Gissur Hvíta SF55 og Garðey SF22 ásamt eitt þúsund tonna þorskígildiskvóta. Vísir hf hefur haft Garðey á leigu sl. fjögur ár ásamt aflaheimildum og hefur skipið að mestu verið gert út frá Djúpavogi þar sem Vísir hefur verið með útgerð og fiskverkun í nokkur ár. Lesa meira

Kassabílarall á vegum Landsbankans er hluti af Humarhátíðinni og á hverju ári sjáum við nýjar útgáfur af kassabílum og var þetta árið engin undantekning. Veitt voru verðlaun fyrir fyrstu þrjú sætin í keppninni, fyrir flottasta bílinn og þann frumlegasta. Lesa meira

Hópur krakka mætti á smábátabryggjuna í morgun til að fara á lúruveiðar og var það Menningarmiðstöðin sem stóð fyrir ferðinni en tilgangurinn var að kynna þennan gamla veiðimáta fyrir ungu kynslóðinni. Snoddi (Ágúst Þorbjörnsson) var fenginn til að sjá um ferðina enda mikill lúruveiðimaður. Mikill áhugi var meðal krakkana og þurfti að fara nokkar ferðir til að allir kæmust á veiðar. Lesa meira

Í sumar verður farið í dýpkunarframkvæmdir á grynnslunum utan við Hornafjarðarós og verður verkið boðið út á næstunni. Grafinn verður skurður þvert gegnum grynnslin þar sem myndast hefur hóll í innsiglingunni eftir að gerður var garður í Þinganessker. Þessi neðansjávarskurður verður um 500 metra langur og 70-80 metra breiður. Lesa meira

Humarhátíðar-golfmótið fór fram á Silfurnesvelli um helgina og var keppt í kvenn-, karla- og unglingaflokkum. Vegleg verðlaun voru í boði frá Skinney-Þinganesi sem að sjálfsögðu var m.a. humar. Mótið hófst kl.9 en þá var ræst út á öllum teigum. Lesa meira

Um sjöhundruð manns hafa komið á fjórðungsmót hestamanna við Stekkhól. Ekki hefur viðrað eftir rigningarspá veðurstofu aðeins smá skúrir annað slagið þess utan ágætis veður. Skógeyjarferðin var á föstudagskvöld og voru útreiðarmenn rúmlega hundrað. Ferðin gekk í alla staði mjög vel og skemmtu menn sér grillveislu og söng. Lesa meira

Heimsmeistaramót í Hornafjarðarmanna fór að venju fram í íþróttahúsinu á öðrum degi Humarhátíðar. Albert Eymundsson mótsstjóri er ánægður með þátttöku í mótinu, 129 manns voru skráðir og spilað var á 43 borðum. Þetta er svipaður fjöldi og var í fyrra og margt af fólki sem ekki hefur verið áður tók þátt í spilinu. Lesa meira

Humarhátíðin á Höfn sem nú er haldiðn 11. árið í röð hefur farið mjög vel fram og er ein sú fjölsóttasta til þessa en áætlað er að um 4000 manns séu á svæðinu enda fjórðungsmót hestamanna haldið hér á sama tíma. Hátíðarhöldin hófust á hverfasamkomum en Höfn er skipt upp í fimm hverfi og halda íbúar og gestir viðkomandi hverfis hátíð þar sem er grillað , sungið og margt gert til skemmtunar. Lesa meira

Eins og fram hefur komið í fjölmiðlum undanfarið er verið að fækka sláturhúsum á landinu og hagræða í sauðfjárslátrun. Einar Karlsson sláturhússtjóri segir að sláturhúsið á Höfn hafi ekki lent í niðurskurðinum og slátrun verði með sama hætti og verið hefur.Lítið er eftir af lambakjöti frá síðasta hausti og segir Einar að það verði allt farið fyrir haustið . Lesa meira

Fjórðungsmót hestamanna stendur nú yfir á mótssvæðinu við Stekkhól í Nesjum en það hófst formlega 3. júlí kl.13.00. Lárus D. Pálsson framkvæmdastjóri mótsins sagði að von er á um eitt þúsund manns, nokkrir hópar eru komnir á staðinn og fleiri á leiðinni. Meðal þeirra sem koma ríðandi er Steinn Jónsson á Eskifirði sem kominn er á níræðisaldur, hann fór einnig á hestum sínum á síðasta landsmót hestamanna. Lesa meira

Í morgun var mætti hópur unglinga á Sindravöll til að leggja þökur á völlinn. Þetta eru 11 unglingar úr Veraldarvinum, samtökum unglinga víðs vegar að úr heiminum sem bjóða fram vinnu sína endurgjaldslaust. Krakkarnir unnu í gær með vinnuskóla- krökkunum á Höfn við að hreinsa til í bænum.

Lesa meira

Björn Arnarson safnvörður er eins og fjöldi Hafnarbúa að hreinsa og snyrta fyrir Humarhátíðina. Búið er að setja gamla sýslutjaldið upp á túninu við Gömlubúð og þar verða seldar veitingar á humarhátíðinni. Sýslutjaldið var fyrst notað 1944 þegar lýðveldinu var fagnað og síðan hefur það verið notað við mörg tækifæri svo sem brúðkaup, afmæli og menningarsamkomu margskonar.

Lesa meira

Undanfarna daga hefur verið unnið hörðum höndum að samsetningu sex gisti-húsa sem sett verða niður á tjaldstæðinu á Höfn rétt við Þjónustumiðstöðina. Þetta eru timburhús frá Finnlandi sem Náttból ehf á Höfn flytur inn í einingum og setur saman.

Lesa meira

Það hefur aldrei verið betra í ferðaþjónustunni hjá okkur en verið hefur í vor og sumar segir Ólafur Sigurðsson ferðaþjónustubóndi á Svínafelli í Öræfum.Ólafur og Pálína Þorsteinsdóttir kona hans eru einu aðilarnir í Öræfum sem eingöngu eru með svefnpokapláss ásamt eldunaraðstöðu sem einnig er fyrir þá sem gista á tjaldstæðinu hjá þeim og rúmar matskálinn um 80 manns. Gistiaðstaða í Svínafelli er í sex smáhúsum þar sem rúm er fyrir fjóra í hverju húsi og kostar svefnpokapláss kr.1900 á mann.

Lesa meira