Spennið beltin ökumenn góðir
Við spennum ekki bílbeltin fyrir lögregluna. Við spennum bílbeltin fyrir okkur sjálf og fyrir börnin okkar og við sjáum líka um að þau séu með beltin spennt áður en ekið er af stað”. Þetta eru verðugar ábendingar frá Reyni Arnórssyni umferðarfulltrúa Slysavarnafélagsins. Stóra vandamálið í umferðinni er alltaf það sama þ.e. bílbeltanotkunin, hún er ekki góð segir Reynir.
Sumsstaðar finnst okkur þetta hafa lagast segir Reynir, og á fundi okkar fulltrúanna fyrir stuttu kom fram að bílbeltanotkun á þjóðvegi eitt hefur stórlagast og sker Austurland sig þar úr með góða notkun belta en slæm útkoma er á Vestfjörðum. Í júní voru 119 bílar skoðaðir í umferðinni á Hornafirði og útkoman var að 47 % voru með bílbelti 53 %á þeirra. í fyrra voru skoðaðir 116 bílar þá voru 54 % með beltin, 43 % án. Nú er helgin framundan og mikil umferð, spennum beltin og sínum ábyrgð. Meira um umferðamál í næstu viku.
Skrifa athugasemd