Sólsetur

27.11.2003 Nóvember

Hálkan á undanhaldi

Hálkan sem hefur verið að hrella ökumenn á Hornafirði síðustu daga er heldur á undanhaldi. Reynir Gunnarsson hjá Vegagerðinni sagði að þokkaleg færð væri suðurum að Kirkjubæjarklaustri. Þar fyrir sunnan er mun meiri hálka. Mikil hálka er í Lóni.
Að sögn Lögreglunnar á Höfn hafa ekki orðið óhöpp vegna hálkunnar utan bílveltu sem varð í Öræfum á þriðjudagskvöld.

Bíllinn sem valt var fiskflutningabíll á suðurleið og varð óhappið efst í Hofsnesbrekkunni og stöðvaðist bíllinn við vegriðið þar sem brekkan byrjar.
Ökumaður slapp með skrámur, en bíll, vagn og fiskfarmur stórskemmdist.