Framhaldsnám í Heppuskóla
Nokkuð margir nemendur Heppuskóla eru í eða hafa lokið einingum 103 eða 203 á framhaldsskólastigi. Einn nemandi í 9. bekk Eik Aradóttir hefur tekið áfanga 103 í ensku og 103 frönsku og er núna í 203 í frönsku. Annar nemandi í 10. bekk Eva Ösp hefur tekið áfanga 103 og 203 í dönsku. Þá stunda þrír nemendur í 10. bekk, þau Gunnar Örn, Sólveig og Gísli nám í stærðfræði 103 og einnig Guðrún Fema, en hún er í 9. bekk. Töluverður fjöldi nemenda stundar einnig slíkt nám í þýsku. Þessu til viðbótar má nefna að nokkuð margir 9. bekkingar munu taka samræmd próf í vor og hefja áfanganám næsta vetur.
Framhaldsnám í Heppuskóla er eingöngu hægt vegna mjög góðs samstarfs við Framhaldsskólann í Austur-Skaftafellssýslu. Unnið er samkvæmt sérstökum samningi sem gerður hefur verið á milli skólanna. Skólarnir hafa unnið samkvæmt samningi þessum um nokkurn tíma og hefur samstarfið gengið afar vel og komið báðum skólunum að miklu gagni.
Skrifa athugasemd