Gagngerar breytingar á Skaftafellsstofu
Skaftafellsstofa hefur verið opnuð aftur eftir gagngerar breytingar og hefur stofan verið stækkuð um það rými sem veitingastofan og verslunin voru í. Veitingasölu og matvöruverslun var hætt en í þess stað er þar smá kjörbúðarhorn með nauðsynlegustu matvöru og kaffihorn. Minjagripaverslunin hefur verið stækkuð,einnig er allt sýningarplássið í stofunni. miklu rúmbetra. Búið er að setja upp tölvubúnað og nettenging svo fólk geti kíkt inn á veraldarvefinn og t.d. komist í póstinn sinn.
Grillaðstaða hefur verið endurbætt og nú eru komnar þvottavélar og þurrkari í þjónustumiðstöðina. Reiðhjólaleiga verður í þjónustumiðstöðinni í sumar og segir Ragnar Frank þjóðgarðsvörður að byrjað verði með fá hjól fyrst og sjá hvernig viðtökurnar og þörfin fyrir þessa þjónustu verður.
Skrifa athugasemd