Ágúst
Sanddæluskip í Hornafjarðarhöfn
Sanddæluskipið Skandía vinnur núna að dýpkun innri hafnarinnar á Hornafirði einnig var lítilsháttar lagfæring gerð við hafnaraðstöðuna við Austurfjörur. Sigfús Harðarson hjá Hornafjarðarhöfn segir að samningar samkvæmt útboði vera upp á losun 20 þúsund rúmmetra efnis úr höfninni á þessu ári. Margir hafa furðað sig á að sanddæluskipið siglir norður álinn milli Mikleyjar og Álaugareyjar til að dæla úr sér og spyrja hvort þetta fari ekki allt með strauminum til baka inn í höfnina. Sigfús segir að svo sé ekki álitið þar sem mest af þessu sem upp kemur sé leir en ekki sandur.
Rólegt er í Hornafjarðarhöfn þessa dagana þar sem nær allir bátar hafa lokið veiðum á þessu fiskveiðiári og bíða þess nýja sem hefst 1. september n.k.
Skrifa athugasemd