Þá er dvöl krakkanna að Laugum í Sælingsdal lokið og er reiknað með að þau komi heim mill klukkan 19:00 og 19:30. Rútan mun stoppa við Mánagarð og síðan við Heppuskóla. Ferðin hefur gengið vel og allir eru hressir og kátir. Lesa meira

Nemendur í 8. bekk grunnskóla Hornafjarðar fóru s.l. þriðjudag í skíðaferð í Oddsskarð. Á þriðjudaginn gátu krakkarnir skíðað til klukkan 17:00 og þá var farið í sund og snæddur kvöldverður. Um kvöldið var síðan slappað af eftir strembin dag. Í dag, miðvikudag var barnalyftan í Oddskarði opnuð fyrir krakkana klukkan 10:00 og hafa þau átt fínan dag á skíðum. |nl| Lesa meira

Gabríel Örn Björgvinsson frá Grunnskólanum á Djúpavogi sigraði stóru upplestrarkeppnina sem haldin var í Hafnarkirkju í gær. Í verðlaunasætum lentu einnig Dóra Björg Björnsdóttir og Ingvi Þór Sigurðsson. Sparisjóður Hornfjarðar var sá aðili sem hefur styrkt keppnina undafarið og var svo einnig nú. En peningaverðlaun eru fyrir þrjú fyrstu sætin. Lesa meira

Allt gengur eins og í sögu hjá 9. bekk, en eins og alþjóð veit eru þau núna stödd að Laugum í Sælingsdal. Í dag átti Símon afmæli og vitanlega var bökuð handa honum afmæliskaka. Seinna í dag munu krakkarnir ganga á Tungustapa og þar verður þeim sögð þjóðsagan um Álfakirkjuna í Tungustapa. Í kvöld fá þau síðan heimsókn frá 10. bekk í Búðardal og verður þá örugglega mikið fjör. |nl| Lesa meira

Í Nesjaskóla er mikið byggt og mokað þessa dagana enda hafa veðurguðirnir verið örlátir á byggingarefni við okkur undanfarið. Lesa meira

Ferð nemenda að Laugum á sunnudag gekk mjög vel og voru ferðalangarnir komnir að Laugum í Sælingsdal fyrir kl. 21.00. Á mánudag var nemendum strax skipt í hópa og hafist var handa við hópavinnu sem verður út vikuna. Snjór er yfir öllu fyrir vestan og voru nemendur duglegir að nota tækifærið að vera úti og leika sér í snjónum þegar tími gefst til. Lesa meira

Hér koma fleiri myndir af 6. bekkingum að flytja verkefnin sín

Á hverju ári er fastur liður í námi barna í Grunnskóla Hornafjarðar að fjalla um tiltekna bók sem kennari velur. Nú var komið að sjötta bekk og í dag (mánudag) sýndu nemendur afrakstur vinnu sinnar. Að þessu sinni varð sagan Saltfiskar í strigaskóm fyrir valinu en hún er eftir Guðrúnu H.Eiríksdóttur. Það var gert með þeim hætti að bókinni var skipt bróðurlega á milli allra nemandanna sem komu komu upp í ræðupúlt og fluttu sína ritgerð. Lesa meira

Lokahátíð Stóru upplestrarkeppninnar fer fram í Hafnarkirkju þriðjudaginn 11. mars kl. 16:00. Þetta er í áttunda skiptið sem nemendur á Djúpavogi og Hornafirði taka þátt í keppninni. Fyrir 11 árum var haldin upplestrarkeppni í Hafnarfirði og er það upphafið að þessari keppni sem nú er haldin á landsvísu. Skemmtileg hefð hefur skapast í kringum keppnina hér á suðausturlandi og er öruggt að hún er komin til að vera. Á degi íslenskrar tungu 16. nóvember hefst undirbúningur nemenda. Eftir áramót er haldin bekkjarkeppni og síðan fer fram skólakeppni en þá kemur í ljós hvaða keppendur fara og taka þátt í lokahátíðinni. Lesa meira

Eftir kurteisisvikuna sem við tókum í Grunnskólanum var tekið á framkomu við skólafélagann og aðra sem við umgöngumst hvern dag. Almennt var talið að það að vera kurteis gæti hjálpað okkur að bæta framkomu okkar. Ljóðið sem kemur hér á að höfða til okkar allra og ættum við taka boðskap þess til fyrirmyndar. Lesa meira

Föstudaginn 29. febrúar fór skólakeppni stóru upplestrarkeppninnar fram í Nýheimum. Þau sem komust áfram í lokakeppnina eru; Ásdís Pálsdóttir, Dóra Björg Björnsdóttir, Ingvi Þór Sigurðsson, Siggerður Aðalsteinsdóttir, Sigríður Þórunn Þorvarðardóttir, Sædís Harpa Stefánsdóttir, Vigdís María Borgarsdóttir, Þorgeir Dan Þórarinsson og Þorkell Óskar Vignisson. Lesa meira