Frelsi - Metnaður - Virðing - Jákvæðni - Vinátta
Mannamót á aðventunni í 7. - 10. bekk
Á aðventunni var haldið mannamót fyrir nemendur í 7. - 10. bekk. Albert Eymundsson sá að sjálfsögðu um mótið og stjórnaði ríflega 100 nemendum skörulega en dagana á undan hafði hann aðstoðað nemendur og kennara við að rifja upp eða læra Hornafjarðarmanna. Eftir nokkur spil þar sem allir spiluðu komust 27 áfram og spiluðu eitt spil í viðbót. Þeir níu sem unnu það tóku eitt spil í við bót og sigurvegarar úr þeim hópi spiluðu úrslitaspilið. Guðlaug Jóna Karlsdóttir, Jóhann Klemens Björnsson og Ingvi Þór Sigurðsson spiluðu úrslitaspilið og fór Guðlaug Jóna með sigur af hólmi.
