Frelsi - Metnaður - Virðing - Jákvæðni - Vinátta
Frumurnar komnar heim
Lególið Grunnskóla Hornafjarðar, sem tók þátt í opnu Evrópumóti FLL (First Lego league) er komið heim. Keppnin fór fram í Delft í Hollandi og var hin skemmtilegasta. Þarna voru 67 lið frá 30 þjóðlöndum svo að krakkarnir okkar fengu að kynnast mörgum jafnöldrum sínu víðsvegar að úr heiminum. Frumurnar stóðu sig vel og voru landi og þjóð til sóma þó að þær fengju ekki verðlaun að þessu sinni.
Þeir sem vilja lesa ferðasöguna og skoða myndir er bent á heimasíðu Frumanna, www.frumurnar.blog.is
Að lokum vilja Frumurnar þakka öllum þeim fjölmörgu sem studdu þær á einn eða annan hátt og gerðu þetta ævintýri mögulegt.
