Frelsi - Metnaður - Virðing - Jákvæðni - Vinátta
Breytingar í fullum gangi í Heppuskóla
Núna er breytingar á neðri hæð Heppuskóla komnar í fullan gang. Verkinu á að vera lokið fyrir skólabyrjun í haust.
Nemendur í 10. bekk hafa flutt sig um set og nema nú fræðin í FAS en aðrir bekkir eru eftir sem áður í Heppuskóla. Kennaraaðstaðan var flutt upp í heimilisfræðistofu og þar á ágætlega við máltækið „þröng mega sáttir sitja“. Þrátt fyrir þetta rask hafa hlutirnir gengið ótrúlega vel fyrir sig og allir, nemendur sem og starfsfólk verið mjög jákvæð og lagt sitt af mörkum til að láta hlutina ganga upp.
