Humarhátíð Fréttir
Vox Fox með tónleika í Hafnarkirkju á laugardaginn
Tónleikar í Hafnarkirkju
Raddbandið VoxFox verður með tónleika á Humarhátíð næstkomandi laugardag kl. 17:00 í Hafnarkirkju. Auk þess mun bandið koma fram á aðalsviði hátíðarinnar á föstudagskvöldið. VoxFox flytur tónlist án undirleiks eða A Cappella. Meðlimir eru sex talsins og hver syngur sína rödd sem skapar nýstárlegan og töfrandi hljóðheim. Efnisdagskráin er afar fjölbreytt og við allra hæfi. Þannig verða fluttar íslenskar dægurperlur, erlend dægurlög og finnsk þjóðlög svo fátt eitt sé nefnt. VoxFox hefur komið fram við ýmis tækifæri og haldið tónleika við góðar undirtektir. Hópurinn útsetur lögin sjálf að hluta til en býr einnig að tónsmíðum eins hópmeðlims, Hreiðars Inga Þorsteinssonar.
