Mæðusveitin Sigurbjörn í Pakkhúsið að kvöldi síðasta vetrardags
Mæðusveitin Sigurbjörn býður Hornfirðingum í Pakkhúsið að kvöldi síðasta vetrardags. Mæðusveitin heldur einskonar opna æfingu og eru allir velkomnir. Mæðusveitina Sigurbjörn skipa þeir Björn Sigfinnsson söngvari, Sigurður Hannesson bassaleikari, Sigurður Guðnason gítarleikari, og Sigurður Kr. Sigurðsson trommuleikari. Mæðusveitin er Hornfirðingum að góðu kunn og hefur tekið þátt í Norðurljósablús við góðar undirtektir. Með sveitinni spila tveir gestaspilarar, þau Anna Lilja Karlsdóttir trompetleikari og Heiðar Sigurðsson hljómborðsleikari.
Aðgangur er ókeypis og húsið opnar klukkan 21. Kvennakórinn sér um veitingar.



