Petet Máté með masterklass og tónleika
Peter Máté fyrrverandi organisti og tónlistarkennari á Stöðvarfirði, Breiðdalsvík og Fáskrúðsfirði verður með tónleika um austurland vikuna 23. - 28 janúar. Hann byrjar á Djúpavogi, spilar tónleika og heimsækir skóla. Mánudaginn 28. janúar verður hann svo í Hafnarkirkju. Hér ætlar hann að vera með masterklass fyrir tónskólann og spila sjálfur á eftir stutta tónleika. Masterklass byggir á því að nemendur (í þessu tilfelli píanónemendur) undirbúa eitt tónverk/lag og spila fyrir áhorfendur, Pétur gefur síðan góð ráð eftir hvern flutning til nemandans í áheyrn gesta. 6-7 nemendur munu spila og áætlum við að það taki ca. klukkustund þá spilar Pétur 50 mín. tónleika.
Masterklass byrjar kl: 16.15 og hvetjum við nemendur tónskólans, auk aðstandenda þeirra nemenda sem spila, að mæta. Þeir sem vilja bara hlusta á tónleika Péturs þá hefjast þeir. kl: 17.30 í Hafnarkirkju.
Peter Máté fékk listamannalaun í 6 mánuði meðal annars til að búa til dagskrá og fara með um landið. Listvinasjóður og Tónskóli A-Skaft. styrkja komu hans hingað og bjóða því öllum sem vilja.
..
