Menning
Karlakórinn Þrestir
Karlakórinn Þrestir
Karlakórinn Þrestir heimsækir Hornafjörð
Karlakórinn Þrestir leggur nú land undir fót og heimsækja þeir Hornafjörð á hringferð sinni um landið en allur ágóði af tónleikum í ferðinni rennur óskiptur til barnaspítala Hringsins. Tilefnið er að karlakórssönghefð í Hafnarfirði er 100 ára um þessar mundir en þá hóf stofnandi Þrasta, Friðrik Bjarnason, að stjórna drengja- og karlakór í Hafnarfirði. Þrestir voru svo stofnaðir árið 1912. Hafnarfjarðarbær heldur einnig upp á 100 ára afmæli á þessu ári.
Söngskrá Þrasta er samansett af úrvali laga útsettum fyrir karlakóra þar sem gætt er fjölbreyttni sem er við allra hæfi, allir fá eitthvað við sitt hæfi. Tónleikarnir fara fram í Hafnarkirkju föstudaginn 26. september kl. 20.30
