Námskeið um Þórberg Þórðarson og verk hans
Fjórði fyrirlesturinn
Háskólasetrið á Höfn og Þórbergssetur bjóða öllum Hornfirðingum og íbúum nærsveita að taka þátt í opnu námskeiði þar sem fjallað verður um Þórberg Þórðarson, ævi hans og verk. Fjórði fyrirlestur námskeiðisins verður í Pakkhúsinu þriðjudagskvöldið 24. mars kl.20. Þar verður fjallað um Sálminn um blómið. Sagt hefur verið um þá bók að hún sé einstök í öllum heiminum hvað efnistök varðar. Lítil stúlka, frænka Margrétar konu Þórbergs, sem átti heima á hæðinni fyrir neðan Þórberg og Margréti verður aðalpersóna í bókmenntaverki. Lilla Hegga eða Helga Jóna Ásbjarnardóttir er án efa eini núlifandi Íslendingurinn sem hefur þurft að lifa við það alla sína ævi að vera þekkt sögupersóna í frægri bók. Sagt hefur verið að Sálmurinn um blómið sé bók fyrir börn á öllum aldri.
Allir eru velkomir
