Menningarverðlaunin 2009
Síðastliðinn föstudag voru afhentir styrkir frá bæjarráði, skólanefnd og menningar- og tómstundanefnd. Þá voru afhent menningarverðlaun 2009 og hlaut Kristín Jónsdóttir, á Hlíð verðlaunin. Þeir sem tilnefndir voru til menningarverðlauna 2009 voru:
Júlía Imsland, fyrir óeigingjarnt starf sem fréttamaður og ljósmyndari.
Halldór Halldórsson, fyrir metnaðarfulla útgáfu matreiðslubókarinnar Réttir úr ríki Vatnajökuls.
Kristín Jónsdóttir fyrir ljóðabókina Bréf til næturinnar, sem fengið hefur einstaka dóma.
Útreiðarfélagið Glófaxi, fyrir útgáfu geisladisks og mikla kynning á héraðinu í fjölmiðlum.
Gísli Eysteinn Aðalsteinsson, fyrir blýantsteikningar.
Helgi Björnsson, fyrir bókina Jöklar á Íslandi
Kristín Guðnadóttir, fyrir bókina Svavar Guðnason
Kristín hlaut verðlaunin fyrir ljóðabók sína Bréf til næturinnar sem félag ljóðaunnenda á Austurlandi gaf út. Ljóðabókin hefur hlotið góðar viðtökur og er uppseld. Gagnrýnendur hafa lofað ljóð Kristínar og hafa umsagnir allar verið á sama veg.
