Þjóðahátíð í Nýheimum 5. maí
Þjóðahátíð í annað sinn í Nýheimum
Þann 5. Maí næstkomandi mun Menningarmiðstöð Hornafjarðar ásamt hópi fólks af erlendu bergi brotið halda Þjóðahátíð í Nýheimum í annað sinn. Í sveitarfélaginu býr fólk frá yfir 20 ólíkum löndum og hafa 11 ákveðið að taka þátt í hátíðinni, en löndin eru Þýskaland, Sri Lanka, Marokkó, Pólland, Holland, Tæland, Eþíópía, Filippseyjar, Danmörk, Perú og Ísland.
Á hátíðinni verður boðið upp á tónlist, myndir, þjóðbúninga ýmissa landa og mat. Glærukynning verður um öll löndin sem taka þátt í hátíðinni svo hægt er að fræðast um hver og eitt þeirra. Einnig verða í boði tónlistaratriði frá Samkór Hornafjarðar, Kvennakór Hornafjarðar, Tónskóla Austur – Skaftafellssýslu og frá Skemmtifélagi Hornafjarðar.
Hátíðin hefst klukkan 13:00 og stendur til klukkan 16:00. Allir eru hjartanlega velkomnir og aðgangur er ókeypis
Dagskrá hátíðarinnar er að finna hér að ofan sem mynd en einnig er hægt að nálgast hana hér
