Opinn stjórnmálafundur á Sólheimum
Forstöðumenn Sólheima boðuðu til opins stjórnmálafundar, með fulltrúum allra stjórnmálaflokka í Suðurkjördæmi, að Sólheimum 15. apríl s.l. Fyrirfram lágu fyrir almennar spurningar til fulltrúa stjórnmálaflokkanna um málefni fatlaðra en þar að auki lá fyrir ein spurning til fulltrúa Samfylkingar og Sjálfstæðisflokks er varðaði niðurskurð á fjárveitingum til Sólheima á síðustu fjárlögum. Athygli vakti að Sjálfstæðisflokkurinn virtist ekki hafa séð ástæðu til að senda fulltrúa sinn á fundinn til að svara fyrirliggjandi spurningum aðstandendum fundarins til nokkurar gremju. Pétur Sveinbjarnarson stjórnarformaður Sólheima sagði alveg ljóst hverjir þyrðu ekki að mæta til að svara þeirra spurningu sem fyrir þá var lagt, þetta væri dónaskapur við samfélagið á Sólheimum og viðkomandi aðilar ættu að skammast sín. Grétar Mar Jónsson var eini sitjandi þingmaðurinn sem sá sér fært að mæta en fulltrúar hinna framboðslistanna voru frambjóðendur sem ekki sitja á þingi.
Skrifa athugasemd