Páll Róbert bestur í 2. deild

Meistaraflokkur karla í blaki spilaði til úrslita á Íslandsmótinu í 2. deild um síðustu helgi í Reykjavík. 

Fjögur lið -  Sindri, Þróttur Nes, HKb og Hrunamenn - spiluðu um eitt laust sæti í 1. deild.  Sindramenn léku fyrst við HKb og töpuðu 3  -1.  Næst léku þeir gegn Hrunamönum í leik um 3. sætið. Sindramenn töpuðu honum 3 – 0 og enduðu í 4.sæti.

Á laugardagskvöldið hélt Blaksambandið árshátíð og þar var Páll Róbert (Robbi)  þjálfari Sindra  kosinn blakmaður 2. deildar. Blakdeild Sindra óskar Robba til hamingju með titilinn.

Framundan hjá blakdeildinni er Íslandsmót í krakkablaki en þar ætlar Sindri að mæta með fjögur lið. Síðan er  öldungamótið  sem verður haldið í Vestmannaeyjum að þessu sinni en þangað ætlar Sindri að senda tvö karlalið og eitt kvennalið.