Fundargerð félagsmálaráðs 185

185. fundur

Fundargerð félagsmálaráðs Hornafjarðar haldinn í ráðhúsi,

þriðjudaginn 23. september 2008 og hófst hann kl. 16:10

Fundinn sátu:

Margrét Jóhannesdóttir, Björg Svavarsdóttir, Þorbjörg Helgadóttir, Elísabet Einarsdóttir, Jón Kristján Rögnvaldsson,  

Fundargerð ritaði:  Jón Kristján Rögnvaldsson, félagsmálastjóri

Dagskrá:

1.      200808032 - Barnaverndarmál

Fært í trúnaðarmálabók.

2.      200808051 - Ósk um samstarf

Nú liggur fyrir að Stígamót munu senda fulltrúa sinn til Hornafjarðar í október og munu heimsóknir verða að jafnaði á tveggja vikna fresti. Nánar auglýst síðar í samvinnu við Stígamót.

3.      200709065 - Fjölskyldustefna Hornafjarðar

Starfsmanni félagsmálaráðs falið að vinna úr framkomnum tillögum og koma þeim áleiðis til stýrihóps fjölskyldustefnunnar. Áhersla lögð á afþreyingu og tómstundir unglinga og endurskoðun á niðurgreiðslum til dagforeldra.

4.      200809012 - Stefnumótun í málefnum innflytjenda - umsögn

Félagsmálaráði kynntar tillögur sambandsins og engar athugasemndir eru gerðar af hálfu ráðsins.

5.      200808043 - Reglur um sí-og endurmenntun

Félagsmálaráð gerir athugasemd við VII. grein reglnanna. Athugasemdin snýr að því að þeir sem nú þegar eru byrjaðir í námi skuli sitja við óbreytt borð. Félagsmálaráð telur að þeir sem eru nú þegar í námi eigi að gera samning við sinn vinnuveitenda jafnt og þeir sem eru nú að hefja nám. Þannig myndi grein IV. gilda fyrir alla starfsmenn sveitarfélagsins sem væru í námi og að hefja nám.

Fleira ekki gert.  Fundi slitið kl.   17:35