Fundargerð hafnarstjórnar 96

96.fundur

Fundur haldinn í hafnarstjórn Hornafjarðarhafnar í Ráðhúsi miðvikudaginn 26. september 2007 kl. 12:00.

Mættir voru: Reynir Arnarson, formaður, Ásgeir Gunnarsson, Halldór Tjörvi Einarsson og Páll Guðmundsson.   Einnig: Hjalti Þór Vignisson, Sigfús Harðarson, Vignir Júlíusson og Haukur Ingi Einarsson.

Dagskrá:

1.      Fundargerð síðasta fundar

Engar athugasemdir.

2.      Samningur um dælingu

Hafnarstjórn samþykkir fram komnar óskir fyrir sitt leyti og felur hafnarstjóra að undirrita samninginn.  Hafnarstjórn leggur áherslu á að dýpkunaraðilar taki fullt tillit til umferðar í höfninni og hlíti fyrirmælum hafnarvarða þar um.  Umræða skapaðist um tímasetningu.  Hafnarstjórn leggur áherslur á að dýpkun fari fram á þeim tíma þegar sem minnst umferð er um hafnarsvæðið en að öðru leyti að stuðst verði við útboðsgögn varðandi tímasetningar.

3.      Útboð í framkvæmdir við Álaugareyjarbryggju

Hafnarstjórn telur að útfæra þurfi verktíma nánar, t.d. þannig að verkið hefjist 15. mars 2008 og verði lokið í byrjun júní 2008.  Umræður sköpuðust um dýpi niður á klöpp á þeim stað sem reka á niður stálþil.  Hafnarstjórn telur mikilvægt að gerð verði botnrannsókn áður en útboð er auglýst.  Hafnarstjórn óskar eftir upplýsingum um hvenær skuli bjóða út dýpkun og frágang á þekju.

4.      Samningur við Siglingastofnun

Kynnt var hugmynd að þjónustusamningi á milli Siglingastofnunar og Hornafjarðarhafnar.  Hafnarstjórn felur hafnarstjóra að ræða við Siglingastofnun og aðra hlutaðeigandi út frá framkomnum samningsdrögum.

5.      Fjárhagsáætlun

Hjalti greindi frá hugmyndum um tilfærslu verkefna til hafnarinnar.  Starfsmönnum og formanni hafnarstjórnar falið að gera tillögur um tilfærslu og leggja fram útreikninga er málið varðar. 

6.      Önnur mál

·        Vignir gerði grein fyrir hugmyndum Gísla Viggóssonar um efnisburð inn í höfnina.  Ennfremur gerði Vignir grein fyrir að verkefni er hafið í Hollandi sem snýr að svipuðum vandamálum og er við að etja í Hornafjarðarhöfn.  Taldi Gísli að rétt væri að fylgjast vel með því verkefni og að skoða í fullri alvöru að gera ráðstafanir sem minkað geta sandburð í höfnina.

·        Ágeir spurði um hvort rætt hafi verið um förgun skipa á nýafstöðnum hafnafundi.  Reynir upplýsti um umræður sem áttu sér stað.  Þá upplýsti Reynir að á hafnafundinum hafi samgönguráðherra lýst yfir að gildistöku ákvæðis um niðurfellingu framlags ríkisins til stofnframkvæmda í höfnum yrði frestað til 2011.

7.      Vettvangsferð

Að loknum fundi í ráðhúsi var farið í vettvangsferð um hafnarsvæðið og á Suðurfjörur.

Fundi slitið kl.  13.10