Fundargerð hafnarstjórnar 113

113. fundur

Fundur í hafnarstjórna Hornafjarðar haldinn í ráðhúsi, miðvikudaginn 25. mars 2009 og hófst hann kl. 14:00

Fundinn sátu:

Reynir Arnarson, Halldór Tjörvi Einarsson, Hjalti Þór Vignisson, Haukur Ingi Einarsson (HIE), Valdemar Einarsson, Birgir Árnason, Sigfús Harðarson,  

Fundargerð ritaði:  Hjalti Þór Vignisson, bæjarstjóri

Dagskrá:

1.    200705098 - Álaugareyjarbryggja

Farið yfir teikningar af þekju á Álaugareyjarbryggju. Lagt til að ekki verði byggt hús fyrir rafmagn og rafmagnsskápur færður þar sem húsið átti að rísa. Mikilvægt er að hafa teikningu af fyrirhuguðum rampi við vöruafgreiðslu á Álaugarey á heildarmyndinni. Þá þarf að hafa samráð við Olíudreifingu um hvar eigi að staðsetja olíulögn. Þá er mikilvægt að teikna upp lokafrágang á svæðinu og kanna kostnað við hann, s.s. steypa þekju austan á Álaugarey og ganga frá svæðinu á milli nýrrar bryggju og Ískaja. Tryggja verður greiðan aðgang og góða akstursleið á milli frystiklefa og nýrrar bryggju. Þá telur hafnarstjórn óþarft að setja upp nýtt vatnsúttak heldur eigi að nota það sem fyrir er.

2.    200804073 - Dýpkun í Hornafjarðarhöfn

Gerð grein fyrir viðræðum við Siglingastofnun um málið. Haukur gerði grein fyrir hugmyndum um að dæla 45.000 rúmmetrum á Leirusvæðið. Ákveðið að leita eftir fundi með íbúum á Leirusvæði, Fiskhól , rekstraraðilum tjaldstæðis og íbúum í Hlíðartúni þar sem hús snúa að Hafnarbraut. Fundurinn með íbúum verði haldinn 1. apríl og hafnarstjórn hittist í kjölfarið 2. apríl.