Fundargerð menningarmálanefndar 90

90. fundur

Fundur haldinn í menningarmálanefnd miðvikudaginn 11. apríl 2007 kl. 16:00 í Nýheimum.

Mættir voru: Hermann Hansson formaður, Guðrún Ingimundardóttir, Gauti Árnason, Guðlaug Hestnes og Eyjólfur Guðmundsson, Ingvar Þórðarson boðaði forföll.

Einnig: Björg Erlingsdóttir

 1.      Fundargerð síðasta fundar

Engar athugasemdir

2.      Hafnarvík-Heppa, minnisblað frá Gísla Sverri Árnasyni

Farið yfir minnisblaðið, ábending um að staðir eins og Stykkishólmur, Ísafjörður og Húsavík verði meðal þeirra staða sem upplýsingum verður safnað um. Menningarmálanefnd fagnar minnisblaðinu um Hafnarvík-Heppu svæðið. Menningarmálanefnd telur að leita beri til Gísla Sverris og fulltrúa Glámu-Kím vegna framkvæmdar ástandskönnunar og frumáætlunar og nær úttektin til þeirra húsa sem talin eru upp í tölulið eitt í minnisblaði frá Gísla Sverri dagsettu 19. mars 2007. Ákvörðun um framhaldið verður tekin eftir að úttektinni lýkur. Kostnaður við úttektina verði innan þess fjárhagsramma sem til þess er markaður með styrkjum frá Húsafriðunarsjóði.

3.      Svavar Guðnason, bókaútgáfa árið 2009 og sumarsýning 2007

Björg segir frá undirbúningi við bókaútgáfu og þátttöku Menningarmiðstöðvar í þeim undirbúningi. Á næsta fundi Menningarmálanefndar verður lögð fyrir nefndina drög að samningi milli aðila. Sagt frá sýningu sem opnar í byrjun júlí og stendur fram yfir Verslunarmannahelgi.

4.      Listvinasjóður ársuppgjör 2006 og umsókn um styrk vegna leiksýningar

Menningarmálanefnd tilnefnir stjórn Listvinasjóðs til tveggja ára, frá 2007 – 2009. Guðrún Jónsdóttir, Guðlaug Hestnes og Gauti Árnason, tilvara er tilnefnd Guðrún Ingimundardóttir. Stjórn Listvinasjóðs er falið að fjalla um um styrkumsóknir til Listvinasjóðs og þar með talda styrkumsókn vegna leiksýningar. Rekstrarreikningur er samþykktur en athygli vakin á að höfuðstóll hefur rýrnað og er lægri en stofnsamningur gerir ráð fyrir.

5.      Allt hefur áhrif einkum við sjálf - samstarfsverkefni sveitarfélagsins og  Lýðheilsustöðvar, Hugmyndabanki.Vísað til Menningarmálanefndar frá Bæjarráði

Hugmyndabankinn, lagður fram og engar athugasemdir gerðir.

6.      Lionsklúbbur Hornafjarðar, bréf dags. 21. mars 2007, viðhald á minnisvarða um Jón Eiríksson í Suðursveit. Vísað til Menningarmálanefndar frá Bæjarráði

Menningarmálanefnd felur Menningarmiðstöð að gera úttekt á ástandi minnismerkja og útilistaverka í eigu sveitarfélagsins, skráningu þeirra og viðhaldi. Menningarmiðstöð falið að gera úttekt á ástandi minnisvarðans um Jón Eiríksson og hvaða aðgerða er þörf. Að þeirri úttekt fenginni verði gerð áætlun um kostun viðgerða á verkinu og umhverfi þess.

7.      Undirbúningur 110 ára afmælis og atvinnulífssýningar

Sagt frá þeim viðburðum og verkefnum sem eru í undirbúningi í tengslum við 110 ára afmæli Hafnar. Sagt frá atvinnulífssýningu.

8.      Leiga á Pakkhúsi

Björgu falið að gera útboðslýsingu í samráði við Hauk Inga, Gauta og Hermann.

9.      Önnur mál

Fleira ekki gert                                                 Fundi slitið kl. 18:25