Fundargerð menningarmálanefndar 96

96. fundur

Fundur haldinn í menningarmálanefnd miðvikudaginn 09. janúar 2008 kl. 16:00 í Nýheimum.

Mættir voru: Hermann Hansson formaður, Hafdís Roysdóttir, Gauti Árnason, Guðrún Ingimundardóttir og Ingvar Þórðarson.

Einnig: Björg Erlingsdóttir

1. Fundargerð síðasta fundar

Engar athugasemdir gerðar.

2. styrkveitingar

Ákveðið var að veita eftirfarandi styrki:

Karlakórinn Jökull                                                       200.000

Kvennakór Hornafjarðar                                               200.000

Kvennakór Hornafjarðar vegna kóramóts 2008                50.000

Samkór Hornafjarðar                                                    50.000

Gleðigjafar                                                                   50.000

Leikfélag Hornafjarðar                                                 100.000

Leikhópurinn Lopi                                                        100.000

Magnús J. Magnússon                                                  100.000

Harmóníkufélag Hornafjarðar                                         75.000

Lúðrasveit Hornafjarðar                                                75.000

Listvinasjóður Hornafjarðar                                           200.000

Söguslóðir á Suðausturlandi                                          300.000

Samtals:                                                                  1.500.000

Gauti vék af fundi meðan styrkveitingar til Kvennakórs voru til umræðu.

3. Menningarverðlaun 2007

Tilnefndir voru:

Magnús J. Magnússon fyrir mikið starf að leiklistarmálum í Austur-Skaftafellssýslu hjá Leikhópnum Lopa og Leikfélagi Hornafjarðar

Jack D. Ives fyrir bókina um Skaftafell í Öræfum – Ísland þúsund ár og rannsóknir hans í Skaftafelli frá 1952.

Hlynur Pálmason fyrir ljósmyndasýningar, stuttmyndagerð og listsýningu á Humarhátíð

Kvennakór Hornafjarðar á tíu ára afmælisári

Ungmennafélagið Máni á 100 ára afmælisári og fyrir sýninguna Fiðlarinn á þakinu

Hjalti Egilsson fyrir störf hans með Ungmennafélaginu Mána

Eiríkur Hansson fyrir störf hans með Lego-hópnum

Gunnlaugur Þröstur Höskuldsson tónlistarkennari fyrir starf að tónlistarmálum

Lúðrasveit Hornafjarðar fyrir Landsmót íslenskra lúðrasveita

Þorsteinn Geirsson fyrir fræðistörf og skrif.  

Sigurður Björnsson fyrir fræðistörf og skrif.

Sigurður Bjarnason fyrir störf hans og miðlunar sagna af gömlum og nýjum tímum.

Menningarverðlaun 2007 eru veitt:

Jack D. Ives hlýtur menningarverðlaun 2007 fyrir bókina Skaftafell í Öræfum – Ísland þúsund ár og rannsóknir hans í Skaftafelli frá 1952. Öræfasveitin var á þeim tíma eitt afskekktasta hérað landsins, ár óbrúaðar og náttúruöfl óblíð. Samstarf Jack Ives við Ragnar Stefánsson í Skaftafelli og Sigurð Þórarinsson lifir í verkum hans og endurspeglar lífshætti, menningu og störf íbúa Öræfa um leið og hann beinir sjónum að því lifandi landslagi sem umlykur sveitina.  

4. Greinargerð vegna flokkunar og skráningar safna Sverris Scheving Thorsteinsson og Lovísu H. Gunnarsdóttur

Björg kynnir nefndarmönnum vinnu Menningarmiðstöðvar og niðurstöðu. Menningarmálanefnd felur formanni menningarmálanefndar og forstöðumanni Menningarmiðstöðvar, ásamt bæjarstjóra að ræða við Sverri og Lovísu um framhald mála.

 5. Innkaupareglur

Innkaupareglur kynntar.

6. Samstarfssamningur sveitarfélaga á Austurlandi um menningarmál

Menningarmálanefnd Hornafjarðar fagnar því að náðst hafi nýr samningur til næstu þriggja ára milli ríkisins og sveitarfélaga á Austurlandi um menningarmál og jafnframt því sé gerður samstarfssamningur sveitarfélaganna á Austurlandi um menningarmál. Nefndin harmar hinsvegar að hafa ekki haft tækifæri til að kynna sér efni samninganna áður en undirritun fór fram, líkt og gert var fyrir undirritun samninganna 2001 og 2005 og hefur því ekki möguleika á að leggja dóm á einstök atriði þeirra eða meta áhrif þeirra á starfsemi Menningarmiðstöðvar Hornafjarðar. Er forstöðumanni Menningarmiðstöðvar falið að afla nánari gagna og leggja þau fyrir nefndina til umfjöllunar.

 7. Önnur mál

Fleira ekki gert                                                

Fundi slitið kl. 18:35