Fundargerð menningarmálanefndar 97

97. fundur

Fundur haldinn í menningarmálanefnd miðvikudaginn 13. febrúar 2008. Fundur hófst á vettvangsferð í Kartöflugeymsluna við Álaugaveg kl. 16:00 og var síðan fram haldið í Nýheimum.

Mættir voru: Hermann Hansson formaður, Guðlaug Hestnes, Gauti Árnason, Guðrún Ingimundardóttir og Ingvar Þórðarson.

Einnig: Björg Erlingsdóttir

1.      Vettvangsferð í Gömlu Kartöflugeymsluna

Ekkert varð af vettvangsferðinni þar sem umsjónamaður fasteignarinnar mætti ekki á tilsettum tíma.

2.      Fundargerð síðasta fundar

      Guðrún gerir athugasemd. Bókin hans Jack Ives heitir Íslands þúsund ár.

3.      Þjónustuhúsnæði – gögn afhent á fundinum

Listi með geymslum Menningarmiðstöðvar kynntur. Geymslum í Vöruhúsi hefur verið sagt upp og verður leitað eftir auknu geymslurými fyrir muni Byggðasafns. Leigugreiðslur á síðasta ári voru 960.000. Starfsmönnum Menningarmiðstöðvar falið að vinna þarfagreiningu fyrir þjónustuhúsnæði og kynna fyrir nefndinni á fundi í maí.

4.      Samningur menntamálaráðuneytis og iðnaðarráðuneytis við sveitarfélögin, undirritaður 9. janúar 2008 á Egilsstöðum. Samningur sveitarfélaga á Austurlandi, undirritaður 9. janúar 2008.

Björgu falið að óska eftir að Signý Ormarsdóttir og Árni R. Þorvaldsson komi á fund nefndarinnar í mars og upplýsi nefndina um þá samninga sem gerðir hafa verið og eins fyrirhugaðan samninga Menningarráðs og Menningarmiðstöðva. Mikilvægt er að efla tengsl menningarmálanefndar við Menningarráð og starfsemi þess.

5.      Söfn Sverris Scheving Thorsteinsson og Lovísu H. Gunnarsdóttur, staða mála

Söfnin renna ekki til Menningarmiðstöðvar Hornafjarðar, og eigendur þeirra greiða áfallinn kostnað frá 1.06.2007 í samræmi við samning frá 15.05.2007.

6.      Bókasafn Heppuskóla

Rætt um aðkomu Menningarmiðstöðvar að undirbúningi bókasafns Heppuskóla. Samþykkt að Menningarmiðstöð vinni að undirbúningi bókasafnsins í samvinnu við skólann.

7.      Afhending menningarverðlauna - dagskrá

      Dagskrá kynnt

8.      Önnur mál

Gauti leggur fram eftirfarandi tillögu:

Tillaga vegna Miklagarðs og Graðalofts

Menningarmálanefnd Hornafjarðar gerir það að tillögu sinni til bæjarráðs að Menningarmiðstöð Hornafjarðar verði falin full umsjón og yfirráð með þessum tveimur húsum, það er Miklagarði og Graðaloftinu. Þetta verði gert með verndunarsjónarmið húsanna í huga og fyrirsjáanlega uppbyggingu þeirra. Jafnframt fari fram athugun á húsunum og tryggðar verði lágmarks brunavarnir í þeim.

Þessi hús og þá sérstaklega Mikligarður, leika lykilhlutverk í Hafnarvík – Heppa verkefninu og því mikilvægt að verndun húsanna komist í forgang.

Tillagan samþykkt með öllum greiddum atkvæðum.

Fleira ekki gert                                                       Fundi slitið kl. 18:15