Fundargerð skólanefndar 124

124. fundur

Fundur haldinn    í skólanefnd Hornafjarðar miðvikudaginn 28. apríl 2010 kl. 17:00 í ráðhúsi Hornafjarðar.  

Mætt voru:    Gunnar Sigurjónsson formaður, Gísli Vilhjálmsson, Anna María Ríkharðsdóttir, Sigríður Kristinsdóttir, Torfi Friðfinnsson, Sædís Guðmundsdóttir, Þórgunnur Torfadóttir, Haukur Þorvaldsson, Jóhann Morávek og Stefán Ólafsson.           

Gengið var til dagskrár og eftirfarandi tekið fyrir:

1.      Fundargerð 123. fundar

Engar athugasemdir gerðar.

2.      Sundlaug Hafnar

Haukur gerði grein fyrir rekstri sundlaugarinnar á fyrsta starfsári hennar. Hann gerði grein fyrir breyttu vaktafyrirkomulagi í sundlaug sem tekur gildi 1. júní nk. Breytt vaktafyrirkomulag kallar á minni viðveru starfsmanna og um leið fleiri starfsmenn en áður var. Fram kom að enn vantar starfsmenn til starfa í lauginni.  Á fyrsta starfsári sundlaugarinnar komu í hana 66.335 gestir, skólasund ekki þar með talið. Aðgangseyrir á sama tíma er samtals um 14 millj. kr. Fundarmenn spurðu Hauk ýmissa spurninga um rekstur laugarinnar sem hann og svaraði. (Haukur vék af fundi) 

3.      Skóladagatal Tónskóla Austur-Skaftafellssýslu 2010 – 2011

(Jóhann sat fundinn undir þessum lið.)

Jóhann fór yfir skóladagatalið og forsendur þess. Undir þessum lið var rætt um skipulag og æfingatíma Umf. Sindra og áhrif þeirra á starf Tónskólans. Jóhann sagði sífelldar breytingar á æfingatímum ungmennafélagsins hafa slæm áhrif á stundaskrá Tónskólans sem hvað eftir annað þurfi að breyta eftir fyrirvaralitlar breytingar á æfingatímum. Var það mat fundarmanna að þetta þurfi að lagfæra. Starfsmenn grunnskólans lýstu yfir sérstakri ánægju með samstarfið við Tónskólann og aðganginn að Sindrabæ. Skólanefnd samþykkir samhljóða skóladagatal Tónskóla Austur-Skaftafellssýslu skólaárið 2010 – 2011.

 4.      Niðurstöður samræmdra könnunarprófa 2005 - 2009

Farið yfir niðurstöður samræmdra könnunarprófa í 4., 7. og 10. bekk 2005 - 2009 sem sýna að árangur á þessum prófum er almennt aðeins undir landsmeðaltali, mismunandi eftir bekkjum. Þórgunnur sagði þessa skýrslu vera mjög gagnlega og hana eigi skólinn að nýta sér. Sigríður tók undir þessi orð Þórgunnar. Lagði hún til að skólinn setti fram hugmyndir um hvernig bæta megi þessa stöðu. Þórgunnur taldi að breytingar sem gerðar hafa verið á skipulagi skólamála í sveitarfélaginu gefi mörg tækifæri til sóknar.

 5.      Æskan – rödd framtíðar, ráðstefna í Reykjavík 20. – 21. maí

Til kynningar.

  6.      Ráðning skólastjóra við grunnskóla Hornafjarðar

Tekin var ákvörðun af bæjarráði að ráðgjafarfyrirtækið Capacent Ráðningar sæi um auglýsingu stöðunnar, tæki á móti umsóknum, ynni úr þeim gögnum sem umsækjendur sendu inn og mæti hæfi umsækjenda til að gegna stöðunni.

Eftirtaldir sóttu um stöðuna: Anna Kristjana Egilsdóttir, grunnskólakennari og MBA nemi við HÍ, Vatnsholti 9b, Keflavík; Hulda Laxdal Hauksdóttir, grunnskólakennari, verkefnastjóri og nemi við HÍ, Hafnarbraut 41, Höfn; Ingólfur Kjartansson, fyrrv. skólastjóri, nú nemi við HÍ

Brekkuhvammi 16, Hafnarfirði; Kári Garðarsson, íþróttakennari og MPA nemi við HÍ

Miklubraut 68, Reykjavík; Lind Völundardóttir, M. Ed. nemi við HÍ Bergstaðastræti 25b, Reykjavík; Ragnhildur Einarsdóttir, grunnskólakennari og MPA nemi við HÍ, Hlíðartúni 20, Höfn; Sesselja Konráðsdóttir, þróunarstjóri, Hálsaseli 20, Reykjavík.

Skólanefnd hefur móttekið umsögn Capacent og vinnur áfram að málinu.

 7.      Önnur mál

 Fundi slitið kl. 18:50