Fundargerð skóla, íþrótta og tómstundanefndar 31

1.

1301007F - Skóla,íþrótta og tómstundanefnd - 30

Fundargerðin samþykkt samhljóða.

2.

201302066 - Þjónusta við börn í dreifbýli

Snæfríður Svavarsd. sat fundinn undir þessum lið, Jóhann Hilmar Haraldsson fulltrúi foreldra og Harpa Þorgeirsd. fulltrúi starfsmanna voru fjarverandi. Rætt um að ef sveigjanleikinn væri mikill gæti Sveitarfélagið orðið af tekjum. Rætt um misjafna aðstöðu íbúa dreifbýlis og þéttbýlis til að nýta sér opinbera þjónustu m.a. leikskóla. Ákveðið að fræðslustjóri og leikskólastjórar vinni tillögu til að koma til móts við þarfir foreldra og barna í dreifbýli og leggi fyrir nefndina á næsta fundi.

3.

201302036 - Umsókn um frestun á grunnskólagöngu

Málið kynnt.

4.

201302033 - Kvörtun vegna skólagöngu barna

Hulda Laxdal, Herdís Tryggvadóttir og Guðbjörg Garðarsdóttir. Ragnhildur kynnti innihald kvörtunarbréfs sem henni var afhent þann 6. febrúar sl. og að úrvinnsla málsins sé komin í ákveðið vinnuferli sem miðar að því að finna lausnir í samvinnu við fjölskyldurnar sem um ræðir. Skóla-, íþrótta- og tómstundanefnd hvetur málsaðila til að sameinast um lausnir og mun fylgjast með ferli málsins.

5.

201302061 - Starfsemi íþróttamiðstöðvar

Gunnar Ingi sat fundinn undir þessum lið. Farið var yfir minnisblað Ragnhildar vegna fyrirspurnar Árna Rúnars á bæjarráðsfundi 28. jan. sl. Minnisblaðið samþykkt eftir breytingartillögur.

Samningur við knattspyrnudeild Sindra um vallarumhirðu í sumar lagður fram. Nefndin vill að uppsagnarákvæði verði bætt inn í samninginn. Að því gefnu er samningurinn samþykktur.

Umsókn um afnot af íþróttahúsinu á Höfn milli kl. 06:00-07:30. Íþróttahúsið á Höfn er opið fyrir afnot ákveðinn tíma alla daga nema sunnudaga. Gunnar Ingi hefur sent umsækjanda yfirlit yfir lausa tíma í íþróttahúsi Hafnar og einnig boðið aðgang að Mánagarði.  Gunnari Inga falin áframhaldandi vinna vegna þessa máls. Nefndin fagnar því einnig að Karatedeildin sé að verða virk aftur.

6.

201302062 - Fundargerðir ungmennaráðs

Tómstundafulltrúi, Vilhjálmur Magnússon og fulltrúar Ungmennaráðs; Róslín Alma Valdemarsdóttir, Birkir Freyr Elvarsson og Agnes Jóhannsdóttir sátu fundinn undir þessum lið.

Fundargerð 3. fundar ungmennaráðs var rædd og ábendingar ráðsins um 'Stefnumótun í æskulýðsmálum' samþykktar og starfsmanni falið að send þær til Æskulýðsráðs Íslands. Kynnt voru verkefnin 'Ungt fólk og lýðræði' og 'Flott fyrirmynd'. Rætt var um forvarnarmál og var ungmennaráð hvatt til að taka þátt í fyrirhugðu íbúaþingi. Rætt var um nýju neysluvöruna Kick-Energy og markaðsetningu hennar. Fundarmenn voru sammála að þessi vara væri sett í ógeðfelldan búning sem ýtti undir notkun á tóbaki í vör síðar meir. Þeir voru einnig sammála um að banna ætti notkun vörunnar í íþróttamannvirkjum, skólum og félagsmiðstöð og hvetja verslanir til þess að hafa vöruna á lítt áberandi stað. Ungmennaráð óskar eftir því að fá að koma á bæjarstjórnarfund næst þegar málefni ungs fólks verða á dagskrá.

7.

201202022 - Forvarnir endurskoðun stefnu sveitarfélagsins

Rætt um minnisblað Ragnhildar af fundi velferðarteymis 18.02.sl. um að útvíkka stefnumótun um forvarnir í stefnumótun um heilsueflingu og velferð og halda íbúafund um það efni. Fundarmenn styðja þessa hugmynd.

8.

201302050 - Leigusamningur um Þrykkjuna

Samningurinn tekinn til umræðu. Lovísa lagði til að leigugjald væri kr. 5.000 á klst. en að hámarki kr. 20.000 - á sólarhring.  Tillagan samþykkt samhljóða.

9.

201302013 - Eftirfylgni könnunar um íslenskt mál og tölvur

Bréf frá mennta- og menningarmálaráðuneytinu vegna eftirfylgni um íslenska málstefnu. Þar óskar ráðuneytið eftir upplýsingum um hvort á vegum sveitarfélagsins og grunnskólans hafi farið fram umæða um að vinna að íslenskri málstefnu og hvort fyrir liggi framkvæmdaáætlun um innleiðingu hennar. Farið var yfir svör skólastjóranna til ráðuneytisins. Fram kom í umræðum að skólarnir væru í fullri vinnu við að innleiða nýjar námskrár m.a. nýja greinanámskrá í íslensku. Ákveðið að starfsmaður ræði við skólastjórnendur um að við endurskoðun á skólanámskrá verði ný greinanámskrá í íslensku höfð til viðmiðunar og íslensk málstefna höfð til hliðsjónar. Skóla-, íþrótta- og tómstundanefnd telur mikilvægt að íslenskt mál sé ræktað og það sett í öndvegi í stofnunum sveitarfélagsins.

10.

201302022 - Könnun innleiðingar aðalnámskráa í leik-og grunnskóla

Kynnt bréf með könnuninni sem og það að henni hefur verið svarað.

11.

201210013 - Samningar við félög,umsóknir um styrki 2013

Farið yfir listann um þau félög sem þiggja styrk frá sveitarfélaginu.  Ákveðið í samræmi við nýsamþykkta stefnu í íþrótta-, æskulýðs og tómstundamálum að samþykkja ekki styrki fyrr en eftir að nefndin hefur fengið skýrslu um starfsemi hvers félags síðast liðins árs.