Fundargerð Umhverfisnefndar 45

45. fundur

Fundur haldinn í umhverfisnefnd Hornafjarðar þriðjudaginn 13. september 2004 kl. 12:00 í Ráðhúsi Hornafjarðar.

Mætt voru: Egill Jónasson formaður, Þóra V Jónsdóttir, Björk Pálsdóttir, Eyjólfur Guðmundsson og starfsmaður nefndarinnar, Valur Sveinsson.

1. Söfnun á heyrúlluplasti.
Nefndin óskar eftir samstarfi við Búnaðarsamband A-Skaft. um kynningu á söfnun og endurnýjun á heyrúlluplasti. Þar sem Búnaðarsambandið myndi kynna tillögur úrvinnslusjóðs fyrir bændum.

2. Sorpstöð Hornafjarðar, gámavöllur á Höfn.
Umhverfisnefnd beinir því til bæjarstjórnar að ákvæði reglugerðar 738/2003 um óvirkan úrgang verði virt, losun á Leirusvæði verði stöðvuð og aðrar leiðir fundnar til að losna við annað en óvirkan úrgang. Umhverfisnefnd tekur einnig undir þær athugsemdir sem gerðar eru við lóðir norðan gámavallar í skýrslu Heilbrigðiseftirlitsins.

3. Fjárhúsavík, fyrrum urðunarstaður fyrir sorp.
Starfsmaður kynnti að klára ætti frágang á svæðinu í vetur þegar frost væri komið í jörðu og tæki ættu auðvelt með að athafna sig á svæðinu.
Nefndin hvetur til að verkinu verði lokið við fyrsta tækifæri.

4. Akstur utan vega.
Nefndin hvetur til að Vegagerðin verði fengin til að setja skilti sem sýna að utanvega akstur sé bannaður á þeim stöðum þar sem algengt er að farið sé útaf þjóðveginum svo sem við Jökulsárlón og á Hlíðarsandi við Hvalnes.

5. Önnur mál.
Umhverfisnefnd beinir því til bæjarstjórnar að gengið verði eftir því að þar sem kvikmyndataka fari fram verði svæðum skilað í sama ásigkomulagi og komið var að því.
Umhverfisnefnd furðar sig á því að hafa ekkert fengið að frétta af stækkun þjóðgarðsins í Skaftafelli nema í fjölmiðlum. Jafnframt fagnar nefndin stækkun þjóðgarðsins og óskar eftir að fá að taka þátt í undirbúningi reglugerðar um nýjan þjóðgarð.
Kynnt var að fyrirhugaður er ársfundur náttúruverndarnefnda og Umhverfistofnunar 8. október næstkomandi. Daginn eftir verður fundur um SD 21 haldinn á sama stað.




Fundi slitið kl. 18:30

Egill Jónasson
Valur Sveinsson
Þóra V. Jónsdóttir
Björk Pálsdóttir
Eyjólfur Guðmundsson