Gamla - Umhverfisnefnd
Fundargerð umhverfisnefndar 58
Fundur haldinn í umhverfisnefnd Hornafjarðar mánudaginn 15. maí 2006 kl. 17:10 í Ráðhúsi Hornafjarðar. .
Mætt voru: Sigurlaug Gissurardóttir formaður nefndarinnar, Rannveig Einarsdóttir, Björk Pálsdóttir og einnig starfsmenn nefndarinnar, Helgi Már Pálsson og Össur Imsland.
1. Dagur umhverfissins
Starfsmaður greindi frá að skólastjóri Heppuskóla hafi haft samband og beðið um fyrirlestur um sorpmál og endurvinnslu í sveitarfélaginu í tilefni dagsins. Við þessari ósk var orðið og haldinn fyrirlestur í Sindrabæ fyrir 8. bekk Heppuskóla á degi umhverfissins þann 25. apríl sl.
Umhverfisnefnd fagnar frumkvæði skólans og hvetur til að fræðsla af þessu tagi verði árviss viðburður.
2. Eftirlitsskýrsla vegna sorpstöðvar í Lóni
Nefndin hvetur til að bætt verði úr athugasemdum Heilbrigðiseftirlits við fyrsta hentugleika. Nefndin hvetur jafnframt til að kannaðir verði möguleikar á að jarðgera lífrænan úrgang.
3. Þingsályktun um uppbyggingu héraðsvega.
Engar athugsemdir gerðar
4. Kortlagning vega og vegslóða – akstur utan vega.
Umhverfisnefnd leggur til að skipaður verði samráðshópur tækni- og umhverfissviðs Hornafjarðar, Vegagerðarinnar og Búnaðarsambands A-skaft. Hópurinn gerir heildarúttekt á vegslóðum í öllu sveitarfélaginu og komi með tillögur um hvaða vegslóðar verði merktir inn á almenn kort þó í samráði við landeigendur. Jafnframt að settir verði upp vegvísar við vegslóða.
Jafnframt að vegslóðum sé lokað þar sem þeir enda til að hindra landspjöll.
- Önnur mál
Kynning á átaki í minnkun og flokkun sorps í samvinnu við Náttúrulega ehf.
Nefndin hvetur til að söfnun á endurnýtanlegum úrgangi í samvinnu við Saga Plast verði fylgt eftir með fræðslu fyrir heimili, fyrirtæki og stofnanir samkvæmt framlögðu minnisblaði Náttúrulega ehf. dags. 11. maí 2006.
Rannveig vék af fundi undir þessum lið.
Vinnuskóli Sveitarfélagsins.
Lagt fram til kynningar drög að starfsemi Vinnuskóla. Nefndarmenn lýsa ánægju með drögin.
Hreinsunardagar í þéttbýli og dreifbýli
Nefndin leggur til að helgarnar 20.-21. og 27.-28. maí verði efnt til hreinsunarátaks í þéttbýli og í framhaldi af því verði fyrstu vikuna í júní efnt til hreinsunarátaks í dreifbýli.
Björk hvetur til betri umgengni á gámalóð sveitarfélagsins.
Fundi slitið kl. 19.00
