Fundargerð Æskulýðs- og tómstundaráðs

41. fundur

Fundur haldinn í æskulýðs- og tómstundaráði Hornafjarðar miðvikudaginn

22. maí 2002 kl. 17:30 á Kaffihorninu.



Mætt voru: Hulda Laxdal formaður, Gunnar Ingi Valgeirsson, Valdemar Einarsson, Valur Sveinsson, Þórgunnur Torfadóttir, Ásta Sveinbjörnsdóttir og Haukur H. Þorvaldsson æskulýðs - og tómstundafulltrúi.



Gengið var til dagskrár og gerðist þetta helst:



Formaður Hulda Laxdal setti fund og bauð fundarfólk velkomið.

1. Drög að stefnumótun.

Lögð hafa verið fram drög að stefnumótun í æskulýðs-, íþrótta- og tómstundamálum á Hornafirði. Unnið hefur verið að gerð stefnumótun frá því í janúar í ár. Að þeirri vinnu hafa komið fulltrúar úr æskulýðs- og tómstundaráði Hornafjarðar ásamt starfsmönnum og einning hafa íbúar verið til kvaddir. Æskulýðsráð fékk drögin send fyrir nokkru og eins var bæjarfulltrúum afhent þau. Finnst ráðinu eðlilegt að nýtt æskulýðs- og tómstundaráð leggi loka hönd á drögin og leggi þau síðan fyrir viðtakandi bæjarstjórn.

2. Sumarbæklingur

Haukur geindi frá því að bæklingurinn kæmi út í lok vikunnar eða um miðja næstu viku. Illa hefur gengið að innheimta efni frá félögum.

3. Önnur mál. Kaffi og meðlæti.

Ályktun. Æskulýðs- og tómstundaráð mótmælir framkomnum ásökunum frá U.M. F. Mána sem fram komu í árskýrslu félagsins til U.S.Ú. um að ekkert sé gert í æskulýðsmálum, í dreifbýli af hálfu stjórnvalda. Ráðið bendir á að öll æskulýðsstarfssemi sem fram fer í sveitarfélaginu er opin börnum og unglingum hvar sem þau búa. Þá er óviðunandi að sveitarfélagið hafi ekki yfirráð og umsjón með íþróttamannvirkjum (íþróttavelli í Nesjum) sem eru í eigu sveitarfélagsins og séð til þess að þeim verði vel við haldið og starfsemin skipulögð með tilliti til sem bestrar nýtingar.

Ráðið telur brýna nauðsyn á að vallarstjóri verði ráðinn sem hefur yfirumsjón með umhirðu og skipulagningu á starfsemi á íþróttavöllum og æfingasvæðum. Einnig að umhirða þeirra verði boðin út og komin í hendur fagaðila.

Mikilvægt er að ráðinn verði framkvæmdastjóri U.M.F. Sindra.

Valur Sveinsson kynnti fyrir ráðinu þær hagkvæmnisathuganir á breytingum og stækkun sem hann hefur gert á sundlaug Hafnar. Í þessum athugunum koma fram nokkrir valkostir við að bæta, breyta og stækka sundlauginni sem felast m.a. annars í því að bæta starfsmannaaðstöðu, gólf í búningsherbergjum, setja niður heitann pott, vatnsrenninbraut og nýtt sundlaugarker 25 m. langt. Var skiptst á skoðunum um þessa valkosti, ráðið tók ekki afstöðu til þeirra.


Hulda formaður þakkaði öllum ráðsmönnum fyrir ánægjulegt samstarf og bauð þeim í kakó og meðlæti og einnig starfsfólki íþróttanmannvirkja.

Þetta var jafnframt síðast fundur ráðsins á þesu kjörtímabili en það hefur haldið 41 fund.





Fundi slitið kl. 19:05.



Hulda Laxdal Hauksdóttir. Haukur H. Þorvaldsson.

Þórgunnur Torfadóttir

Gunnar Ingi Valgeirsson

Valur Sveinsson.

Valdemar Einarsson.

Ásta Sveinbjörnsdóttir