Fundargerð æskulýðs- og tómstundaráðs 92

92. fundur

Mætt voru:               Matthildur Ásmundardóttir, Helga Lucía Bergsdóttir, Björn Sigfinnsson, Gestur Halldórsson, Helga Vilborg Sigjónsdóttir og Haukur H. Þorvaldsson, æskulýðs - og tómstundafulltrúi.

Formaður setti fund og bauð ráðsfólk velkomið.

 Gengið var til dagskrár:

 1.      Uppbygging íþróttamannvirkja. Friðrik Þór Ingvaldsson

Friðrik Þór Ingvaldsson formaður framkvæmdanefndar um uppbyggingu íþróttamannvirkja greindi ráðsfólki frá stöðu framkvæmda við uppbyggingu íþróttamannvirkja.

 2.      Ungmennaráð  og  erindisbréf

 Farið var yfir erindisbréf ungmennaráðs og það síðan samþykkt með smá breytingum.

 3.      Lýðheilsumál

 Ráðið vill vekja athygli á því að í skýrslu stýrihóps um um lýðheilsu er talað um markmið sveitarfélagsins. Lagði stýrihópurinn til að í samvinnu við Lýðheilsusstöð, að sveitarfélagið setji sér það markmið til ársins 2008 að bæta aðstæður í sveitarfélaginu til heilsueflingar. Það verði gert með því að móta og samþykkja stefnu og aðgerðir varðandi næringu og hreyfingu barna og unglinga og setja fjármagn í verkefnið. Markmiðin eru nánar útfærð í skýrslu stýrihópsins. Tekur ráðið undir þessi markmið og beinir því til bæjarráðs hver vilji sveitarfélagsins er með framgang málsins og að skýrslan hljóti að tengjast vinnu við væntanlega fjölskyldustefnu sveitarfélagsins.

 4. Forvarnamál – Marita – Stöðufundur

 Haukur greindi frá Maritaheimsókn í 7.-10. bekk og í framhaldsskólann. Forvarnafulltrúi Marita á Íslandi Magnús Stefánsson  greindi frá reynsluheimi þeirra sem ánetjast fíkiefnum og sýndi myndir máli sínu til stuðnings. Þá var haldinn fundur með foreldrum þar sem fjallað var um sama efni. Tókust fundirnir vel og var skipts á skoðunum um skaðsemi fíkniefna og vímuefna í lok hvers fundar. Forsýnt var fræðsluefni hér sem er ætlað 7. bekkingum um sjálfsstyrkingu þannig að þau geti hafnað því að að neyta áfengis og tóbaks.

Stöðufundur um forvarnamál var haldinn í vikunni þar sem saman komu ýmsir aðilar sem tengjast inn í nám og störf með börnum og ungmennum og var skipst á skoðunum um stöðu mála varðandi útivist, vímu- og fíkniefni. Voru menn á því að ástandið væri svipað og undanfarið, nokkuð gott. Ákvað hópurinn að hittast aftur í lok nóvember.

 5. Kvikmyndasýningar í Sindrabæ

 Tekið var fyrir erindi frá bæjarráði um að ráðið fjallaði um kvikmyndasýningar í Sindrabæ í kjölfar bréfs frá ungum drengjum þar sem spurt er af hverju eru ekki bíósýningar í Sindrabæ. Kannað hefur verið hvað kostar að fá textalesara við þá sýningarvél sem nú er út í Sindrabæ og endurbætur samfara þeirri framkvæmd. Er verið að tala um 2,5 til 3 milljónir í kostnað. Ráðið leggur til að komið verði á sýningum á talsettum myndum með íslensku tali. Athugað verði hvort t.d. Nemendafélag FAS eða Þrykkjan hafi áhuga á að reka bíó og finna út hvernig það væri framkvæmanlegt. Starfsmanni nefndarinnar falið að skoða þessi mál og koma með tillögur fyrir næsta fund.

  6.      Önnur mál

Ráðið vill árétta fyrri áherslur í tengslum við gerð fjárhagsáætlunar að færa starfsmannaaðstöðu í íþróttahúsinu á Höfn. Bæði varðar það að starfsmenn fái rúmbetri aðstöðu og eins að þeir geti betur fylgst vel með allri umferð og hegðun í forstofu sem skiptir miklu máli varðandi t.d. að koma í veg fyrir að einelti eigi sér stað.  

Næsti fundur ráðsins verður haldinn fimmtudaginn 25. október.

Fundi slitið kl. 19:15.