Fundargerð atvinnumálanefndar 22

22. fundur

Fundur haldinn í atvinnumálanefnd Hornafjarðar þriðjudaginn 21. febrúar 2006 kl. 12:00 í fundarsal Nýheima.

Mætt voru: Reynir Arnarson formaður, Sveinbjörn Imsland og Þorbjörg Arnórsdóttir. Einnig: Hjalti Þór Vignisson.

Gengið var til dagskrár og eftirfarandi tekið fyrir:

1. Fundargerð síðasta fundar

Til kynningar.

2. Staða í atvinnumálum

Samkvæmt viðræðum við Vökul fyrr um morgunin eru 24 á atvinnuleysisskrá samanborið við 27 á sama tíma í fyrra.

3. Staða og horfur í sjávarútvegi

Lögð fram gögn sem sýna þróun í aflahlutdeild í sjávarútvegi á Hornafirði. Tölurnar sýna að hlutdeild Hornafjarðar í úthlutun aflamarks hefur styrkst á síðustu árum hlutfallslega. Rætt um loðnuvertíð og ljóst að lítið sem ekkert verðu brætt á þessari vertíð.

Reynir greindi frá því að hafin er frysting á bolfiski hjá Skinney-Þinganes.

4. Norðurljósaverkefnið

Lagt fram minnisblað um norðurljósaverkefnið dags. 6. febrúar 2006. Greint frá stöðu verkefnisins og að fulltrúi ferðaþjónustunnar hafi tekið við af fulltrúa sveitarfélagsins. Í framhaldi skapaðist umræða um stöðu ferðaþjónustunnar í sveitarfélaginu. Fundarmenn sammála um að samanborið við mörg önnur svæði á landinu standi ferðaþjónusta hér vel.

5. Skýrsla í atvinnu- og ferðamálum Rangárþings og Mýrdals

Til kynningar.

6. Önnur mál

· Lagt fram uppkast að umsögn um þingsályktunartillögu í byggðamálum.

Fundi slitið kl. 13:30