Fundargerð atvinnumálanefndar 42

42. fundur

Fundur atvinnumálanefndar Hornafjarðar haldinn í ráðhúsi, fimmtudaginn 18. september 2008 og hófst hann kl. 12:00

Fundinn sátu:

Ásgrímur Ingólfsson, Eyjólfur Guðmundsson, Gauti Árnason, Stephen Róbert Johnson, Hjalti Þór Vignisson,  

Fundargerð ritaði:  Hjalti Þór Vignisson, bæjarstjóri

Dagskrá:

1.      200804056 - Staða á atvinnuleysisskrá

Kom fram að einn er á atvinnuleysiskrá skv. upplýsingum dags. 17. sept. 2008. Rætt um stöðu á fasteignamarkaði. Gerð grein fyrir hugmynd um stofnun leigufélags.

2.      200809011 - Heimsóknir í fyrirtæki

Rætt um að atvinnumálanefnd heyri viðhorf fyrirtækja til atvinnuástands. Starfsmanni falið að undirbúa og auglýsa fundarröð og leita eftir samstarfi við Afl starfsgreinafélag.

3.      200808058 - Gagnaver

Hjalti gerði grein fyrir fundi sínum við starfsmann hjá Fjárfestingastofu og vinnu að málinu.

4.      200710075 - Framleiðsla til útflutnings á vatni

Bjarni Ólafur Stefánsson mætti á fundinn undir þessum lið og kynnti skýrslu sem hann vann að beiðni Sveitarfélagsins um möguleika á útflutningi á vatni úr héraðinu. Sagðist hann að í skýrslunni væri fyrst og fremst tveir kostir skoðaðir. Annars vegar útflutningur 1,1 miljónum lítra á átöppuðu vatni og hins vegar útflutningur á vatni í tankskipum eða gámum. Hjalti sagði frá viðræðum sínum við áhugasama fjárfesta og að næsta skref yrði að gera könnun á kostum þess að setja á fót fyrirtæki um útflutning á vatni.

5.      200804057 - Atvinnu- og rannsóknarsjóður

Hjalti gerði grein fyrir viðræðum við ráðherra og þingmenn um málið og ósk sveitarfélagsins um að ríkið leggi fjármuni af sölunni á Nesjaskóla inn í sjóðinn.

6.      200710086 - Frístundabændur

Rætt um nýsamþykktar reglur um frístundabúskap. Kom fram að sveitarfélagið gefi út leyfi til fólks að halda búfénað í fristundabyggð. Atvinnumálanefnd felur starfsmanni að gera tillögu að málsmeðferð varðandi útgáfu leyfa og bréfi til frístundabænda um málið.

7.      200705114 - Önnur mál

Stephen vakti máls á að sumarhús vanti fyrir ferðamenn.

Fleira ekki gert.  Fundi slitið kl.   13:10