Fundargerð bæjarstjórnar 180

180. fundur

Fundur haldinn    í Bæjarstjórn Hornafjarðar, fimmtudaginn 10. maí 2012, kl. 16.00 í Ráðhúsi.

Mætt voru: Arna Ósk Harðardóttir,  Reynir Arnarsson, Kristján S. Guðnason, Ásgrímur Ingólfsson, Lovísa Rósa Bjarnadóttir. Valdimar Einarsson og Árni Rúnar Þorvaldsson.

Einnig: Haukur Ingi Einarsson framkvæmdastjóri fjármála –framkvæmdasvið og Ásta H. Guðmundsdóttir fjármálastjóri

Forseti bauð fundarmenn velkomna.  
1.      Fundargerðir bæjarráðs (upptaka)

·         Fundargerð bæjarráðs 588. fundur

Kristján S. Guðnason og ræddi um fjarskipti í dreifbýli, kom fram að ljósleiðari væri besti kosturinn í að bæta fjarskipti í dreifbýli.

Fundargerð samþykkt samhljóða.

·         Fundargerð bæjarráðs 589. fundur

Lovísa Bjarnadóttir  kom upp og ræddi um skýrslu KBMG varðandi fjárframlög ríkis til stofnunarinnar.  Hún telur það mjög brýnt að  samningar náist við ríkið og að þessi skýrsla verð lögð fram við samningaviðræðurnar.   Reynir Arnarson og Valdimar Einarsson tóku undir orð Lovísu, einnig minntist Valdimar á gerð Mannlífsþáttar  Rúv.   Ræddi hann að kostnaður sveitarfélagsins við gerð þáttarins mætti ekki bólna út.

Haukur Ingi Einarsson  staðgengill bæjarstjóra  sagði  frá undirbúningi fyrir mannlífsþáttinn og fl.  Árni Rúnar Þorvaldsson kom upp og tók undir orð Lovísu varðandi HSSA.  Einnig ræddi hann um Mannlífsþátt Rúv.  Hann fagnar því framtaki  en tekur undir orð Valdimars um kostnað sveitarfélagsins við verkefnið.  Reynir upplýsti að málefni mannlífsþáttar RÚV væri til umræðu á næsta fundi bæjarráðs.

Fundargerð samþykkt samhljóða.

 ·         Fundargerð bæjarstjórnar, 179. fundur áður samþykkt.

Til kynningar.

2.      Ársreikningur 2011 – Síðari umræða  (upptaka)

Haukur Ingi fylgdi málinu úr hlaði, gerð hann grein fyrir kynningu endurskoðenda frá fyrri umræðu.  Þakkaði hann öllum sem komu að gerð ársreikninginn.

Árni Rúnar Þorvaldsson tekur hann undir orð Hauks Inga um þakkir til allra sem komu að gerð hans  og lagði fram eftirfarandi bókun:

Ársreikningur fyrir árið 2011 sýnir í flestum atriðum sterka fjárhagslega stöðu sveitarfélagsins. Því ber að fagna. Sveitarfélagið Hornafjörður er í sterkari fjárhagslegri stöðu eftir efnahagslegt umrót síðustu ára en mörg önnur sveitarfélög í landinu. Aðalástæðan fyrir því er samstaða um grundvallarmál í bæjarstjórn. Einnig hafa starfsmenn sveitarfélagsins haldið mjög vel á málum fyrir hönd sveitarfélagsins. Það ber að þakka.

Þrátt fyrir sterka fjárhagsstöðu sveitarfélagsins er full ástæða fyrir bæjarstjórn að halda vöku sinni í rekstri sveitarfélagsins. Ljóst er að fara verður yfir rekstur A hluta fyrirtækja í samræmi við ábendingar endurskoðanda. Einnig er ljóst að bæjarstjórn verður að bæta fjárfestingaráætlun sveitarfélagsins. Fjárfesting A hluta í varanlegum rekstrarfjármunum nam 183 millj. kr. á meðan fjárfestingaráætlun gerði ráð fyrir 163 millj. kr. Fjárfesting A hluta fór því 20 millj. króna fram úr áætlun. Munar þar mestu um að framkvæmdir við Heppuskóla fóru 13 millj. kr. fram úr áætlun. Brýnt er að bæjarstjórn vandi allar kostnaðaráætlanir til að tryggja að ekki sé farið af stað með framkvæmdir sem valdið geta bæjarsjóði fjárhagslegu tjóni.

Haukur Ingi upplýsti að kostnaður vegna  hönnunar á breytingum innanhús í Heppuskóla komu til greiðslu á árinu 2011 en framkvæmdin er á framkvæmdaráætlun 2012.

Forseti færir þakkir bæjarstjórn,bæjarstjóra og starfsfólki sveitarfélagsins fyrir góðan árangur á árinu 2011 og bindur vonir við að þetta ár verði sveitarfélaginu a.m.k jafn hagstætt, Bar hann síðan upp  ársreikninginn til samþykktar. 

Samþykktur samhljóða.

3. Arsreikningur HSSA 2011  (upptaka)

Haukur Ingi þakkaði, starfsmönnum HSSA, starfsmönnum KPMG og stjórn HSSA fyrir góða vinnu á síðasta ári og gott utanumhald um rekstur HSSA á annars erfiðum tímum. 

Haukur Ingi gerði grein fyrir lykilstærðum ársreikningsins, sagði hann að afkoma af rekstri stofnunarinnar á árinu 2011 hafi verið jákvæður um 712 þús. kr. samkvæmt rekstrarreikningi.  Eigið fé stofnunarinnar í árslok er neikvætt um 4,2 millj. kr. samkvæmt efnahagsreikningi.   

Valdimar Einarsson og Reynir Arnarson tekur undir orð Hauks Inga  um þakkir til allra sem komu að gerð ársreikningsins.

Framlagður ársreikningur samþykktur samhljóða.

4.      Deiliskipulag við Jökulsárlón.   (upptaka)

Ásgrímur Ingólfsson gerð grein fyrir deiliskipulaginu og lagði hann til að deiluskipulagið  fari í sitt lögformlega ferli. 

Bæjarstjórn samþykkir samhljóða.

 5.  Erindisbréf starfshóps vegna nýs hjúkrunarheimilis.   (upptaka)
Haukur Ingi gerði grein fyrir erindisbréfinu og að fulltrúar allra flokka í bæjarstjórn eigi fullrúa í hópnum.   

Árni Rúnar fagnar því að þessi vinna sé að fara af stað.  Lagði hann til að erindisbréfið verði lagt fram sérstaklega og skipan í hópinn sérstaklega.

Reynir samþykkti tillögu Árna.

Bæjarstjórn samþykkir erindisbréfið samhljóða.  Bæjarstjórn samþykkir tillögu stjórnar HSSA  um tilnefningu í starfshópinn en það eru Ásgeir Gunnarsson, Lovísa Rósa Bjarnadóttir og Guðrún Ingimundardóttir starfsmaður  er Guðrún Júlía Jónsdóttir.

6.      Fyrirspurnir - Bæjarstjórnar

Engar borist.  

Fundi slitið kl. 16.40