Fundargerð Byggingar- og skipulagsnefndar 46

46. fundur

Fundur haldinn í byggingar- og skipulagsnefnd Hornafjarðar, fimmtudaginn 10. júlí, 2003, kl. 17:00 í ráðhúsi Hornafjarðar.

Mættir voru: Ólafur Sigurðsson, Haukur Sveinbjörnsson, Aðalsteinn Aðalsteinsson, Steinþór Hafsteinsson slökkviliðsstjóri, Tómas Ísleifsson heilbrigðisfulltrúi, Helgi Már Pálsson tækni- og umhverfissviði og Hákon Valdimarsson byggingarfulltrúi, .

Gengið var til dagskrár og eftirfarandi tekið fyrir:


1. Vöruport KASK í Álaugarey. Afgreiðslustöð fyrir olíu.
Sótt er um leyfi til að setja upp afgreiðslustöð fyrir olíu, við vöruport KASK í Álaugarey (við Sæbraut)
Með umsókn fylgir uppdráttur af svæðinu, frá Nýju teiknistofunni ehf, dags. 24.06.2003, áritaður af Sigurði Einarssyni.
Umsækjandi er Sigurður Einarsson, f.h. Olíufélagsins hf.
Bent er á að umrætt svæði er á skilgreindu hafnarsvæði og hluti mannvirkisins er utan lóðar. Nefndin telur Hauk ekki vanhæfan til að fjalla um málið.
Erindið er samþykkt með fyrirvara um samþykki Brunamálastofnunar ríkisins, Heilbrigðiseftirlits Austurlands og Siglingarstofnunar.
Lögð er áhersla á að framkvæmdir verði ekki hafnar fyrr en öll hönnunargögn liggja fyrir og þær samþykktar af hlutaðeigandi stofnunum. Nefndin telur æskilegt að birgðartankar verði hafðir niðurgrafnir í framtíðinni.

2. Horn, Nesjum. Reiðskemma og hesthús.
Sótt er um leyfi fyrir stálgrindarskemmu ásamt tengibyggingu, við steypta byggingu, sem áður var í eigu varnarliðsins, í landi Horns. Með umsókn fylgja teikningar, gerðar af Vali Sveinssyni, byggingarfr. verknr. H 1-3-100. dags. 27.04.2003.
Umsækjandi er Valur Sveinsson, f.h. Ómars Antonssoar, landeiganda.
Erindið samþykkt.

3. Syðri Fjörður í Lóni. Einbýlishús/nýbygging.
Sótt er um leyfi til að byggja einbýlishús úr steini, á tveimur hæðum að hluta, á lögbýlinu Syðra Firði í Lóni, samkv. teikningum frá Teikni Horni ehf. gerðum af Vali Sveinssyni, byggingarfr. verknr. SF-100 dags. 28.04.2003.
Umsækjandi er Valur Sveinsson, f.h. Þórðar Ólafssonar, ( ábúanda ) Von er á staðfestingu landeiganda á heimild umsóknarinnar.
Erindið samþykkt.

4. Hlíðartún 19. Utanhússklæðning úr áli.
Sótt er um leyfi til að klæða íbúðarhúsið að Hlíðartúni 19, Höfn, að utan, með álklæðningu og einangra það jafnframt. með umsókn fylgir útlitsteikning, gerð af Kristni Ragnarssyni, arkit. dags. 12.05.2003.
Umsækjandi er Ingólfur Ásgrímsson, Hlíðartúni 19.
Erindið samþykkt.


5. Reyðará í Lóni. Nytjaskógrækt.
Sótt er um leyfi til að hefja nytjaskógrækt á lögbýlinu Reyðará í Lóni. Um er að ræða u.þ.b. 26 ha. land sem lagt verður undir skógrækt á næstu árum auk þess sem gert er ráð fyrir um 4 km. í skjólbelti. Með umsókn fylgir kort ( ljósrit af loftmynd ) með innmerktu, umræddu svæði, ásamt ljósriti af samningi milli landeigenda og Suðurlandsskóga, dags. 05.06.2003.
Umsækjandi er Þórgunnur Torfadóttir, f.h. landeigenda að Reyðará. Ákveðið var að leita eftir upplýsingum hjá Suðurlandsskógum um hvar og í hvaða magni samningar hafi verið gerðir eða eru í farvatninu milli þeirra og annara landeiganda í sveitarfélaginu.
Erindið samþykkt.

6. Hæðagarður 11. Bráðabirgðaleyfi fyrir Föndurhornið.
Sótt er um leyfi til að hafa verslunina Föndurhornið ( áður að Miðtúni 21 ) í bílskúr að Hæðagarði 11, í Nesjum, tímabundið, en í bílskúrnum var fyrir nokkrum árum versl. með saumavörur. Fyrirhugaður opnunartími er um 2-5 stundir á dag.
Umsækjandi er Sigurbjörg J. Alfreðsdóttir, f.h. Föndurhornsins ehf.
Samþykkt er að leyfa starfsemina tímabundið til 2ja ára.

7. Kynning nokkurra ,,smærri mála,, sem afgreidd hafa verið frá síðasta fundi.

1. 10. júní, 2003. Mælt með endurnýjun vínveitingaleyfis fyrir Ferðaþjónustuna Smyrla-björgum ehf, til 1 árs. Tilskilið, að húsnæði og aðstaða standist úttekt heilbrigðis- og eldvarnaeftirlits.
Engar athugasemdir
2. 16. júní, 2003. Mælt með endurnýjun vínveitingaleyfis fyrir Fosshótel Vatnajökuls á Lindarbakka, Nesjum, til 1 árs. Tilskilið, að húsnæði og aðstaða standist úttekt heilbrigðis- og eldvarnareftirlits.
Engar athugasemdir
3. 26. júní, 2003. Mælt með endurnýjun leyfis til vínveitinga vegna Hótels Hafnar, til 4 ára. Tilskilið, að húsnæði og aðstaða standist úttekt heilbrigðis- og eldvarnareftirlits.
Engar athugasemdir
4. 26. júní, 2003. Mælt með leyfi ( endurnýjun ) fyrir Hótel Skaftafell ehf. til vínveitinga til 3 mánaða, fyrir veitingasöluna í þjónustumiðstöðinni í Skaftafelli. Tilskilið að húsnæðið og aðstaðan í því standist úttekt heilbrigðis- og eldvarnareftirlits.
Engar athugasemdir
5. 26. júní, 2003. Mælt með leyfi ( endurnýjun ) fyrir Frost og funa, ehf. Hofi, Öræfum, til vínveitinga í gistiheimilinu Hofi. Tilskilið, að húsnæðið og aðstaðan í því, standist úttekt heilbrigðis- og eldvarnareftirlits.
Engar athugasemdir
6. 10. júní, 2003. Einari B. Einarssyni, heimilað að reisa skjólgirðingu um hluta lóðar sinnar að Kirkjubraut 7, ásamt sólpalli við suð-vesturhluta hússins. Tilskilið, að lóðarhöfum aðliggjandi lóða verði kynntar framkvæmdirnar áður en til þeirra kemur.
Engar athugasemdir
7. 13. júní, 2003. Aðalsteini Ingólfssyni heimilað að byggja tvo litla kvisti á þak íbúðarhússins að Reyðará í Lóni, samkv. teikn. Vals Sveinssonar, byggingarfr. ( Til stendur að mæla upp allt húsið og teikna, og munu fullnaðarteikn. af kvistum berast að því loknu )
Engar athugasemdir


5. Önnur mál.
Engin


Fleira ekki gert og fundi slitið kl. 18:05

Ólafur Sigurðsson Hákon Valdimarsson
Aðalsteinn Aðalsteinsson Steinþór Hafsteinsson
Haukur Sveinbjörnsson Helgi Már Pálsson
Tómas Ísleifsson