Fundargerð byggingar- og skipulagsnefndar 100
100. fundur
fundur byggingar- og skipulagsnefndar Hornafjarðar haldinn í ráðhúsi, miðvikudaginn 10. desember 2008 og hófst hann kl. 17:00
Fundinn sátu: Árni Rúnar Þorvaldsson, Torfi Friðfinnsson, Kristinn Óskarsson, Gunnar Páll Halldórsson, Björn Ingi Jónsson, Hákon Valdimarsson, Haukur Ingi Einarsson (HIE), Steinþór Hafsteinsson,
Fundargerð ritaði: Haukur Ingi Einarsson, Framkvæmdarstjóri umhverfis- og tæknisviðs
Dagskrá:
1. 200705087 - Hringvegur um Hornafjarðarfljót Framhaldsumræður
Framhaldsumræður um hringveg um Hornafjarðarfljót, einkum leið 3b. M.a.kynnt svar Vegag. við fyrirspurn Hauks Inga um nýja tengingu að Árnanesbæjum o.fl.
Þorvarður Árnason frá Háskólasetrinu og Rannveig Einarsdóttir frá Náttúrulega ehf. komu og kynntu helstu breytingar sem orðið hafa á umhverfisskýrslu sveitarfélagsins eftir að leið 3b var tekin til skoðunar í skýrslunni. Rætt var um vegstyttingar innan sveita og helstu breytingar sem leið 3b hefur á þá umhverfisþætti tekið er tillit til í matinu.
Haukur gerði grein fyrir svari Vegagerðarinnar vegna fyrirspurnar sem barst henni 21.11.2008 er varðar málefni vegstæðis yfir Hornafjarðarfljót.
Byggingar- og skipulagsnefnd leggur það til að þverbraut flugvallar verði felld út af breytingartillögunni og vísað til endurskoðunar á aðalskipulagi.
Haukur gerði grein fyrir minniháttar breytingum er snúa að varnargörðum sem færðir verða inn á breytingartillöguna.
2. 200706082 - Umferðaröryggi. Hraðatakmarkandi aðgerðir á Höfn.
Framhaldsumræður um hraðatakmarkandi aðgerðir á Höfn. Reynir Gunnarsson, umdæmisstjóri hjá Vegagerðinni mætir á fundinn.
Ákveðið að fresta þessum lið fram á næsta reglulega fund nefndarinnar.
3. 200811017 - Náttúruverndaráætlun - till. að friðlýsingu búsvæðis tröllasmiðs
Tröllasmiður Tillaga að friðlýsingu búsvæðis hans. Umræðu í nefndinni 19. nóv.s.l. var frestað til næsta fundar.
Byggingar- og Skipulagsnefnd tekur undir bókun atvinnumálanefndar frá 26.nóvember 2008.
4. 200811052 - Vegur upp úr botni Hoffellsdals
Bæjarráð vísaði hinn 1. des. s.l. til nefndarinnar, afriti af bréfi landeigenda Hoffellsdals í Nesjum til Vegagerðarinnar, þar sem þeir óska eftir samvinnu hennar við vegalagningu upp úr stafni Hoffellsdals við Dalstafn.
Byggingar- og skipulagsnefnd óskar eftir frekari gögnum og uppdrætti um málið áður en erindið fær endanlega afgreiðslu nefndarinnar.
5. 200812026 - Umsókn um innkeyrslu og bílastæði
Sótt er um leyfi til að gera innkeyrslu og bílastæði í suð-austurhorni lóðar nr. 39 við Hlíðartún. Hjá bæjarráði liggur fyrir umsókn um breytt mörk lóðarinnar í samræmi við meðfylgjandi. skýringarmynd. Umsækjandi er Guðni Þór Valþórsson, Hlíðartúni 39.
Samþykkt samhljóða.
Fleira ekki gert. Fundi slitið kl. 19:00
