Fundargerð heilbrigðis- og öldrunarráðs 84
84. fundur
Fundur haldinn í Heilbrigðis- og öldrunarráði Hornafjarðar miðvikudaginn 19. september 2007 kl. 16:15 í fundarsal ráðhúss.
Mætt voru: Árni R. Þorvaldsson, Björk Pálsdóttir, Aðalsteinn Ingólfsson og Guðrún Ingimundardóttir. Einnig: Guðrún Júlía Jónsdóttir, Ester Þorvaldsdóttir, Sigríður Lárusdóttir og Ágerður K. Gylfadóttir.
Fundargerð 83. fundar lögð fram til kynningar og undirskriftar.
Engar athugasemdir.
Átta mánaða rekstrarstaða.
Guðrún Júlía skýrði nefndarmönnum frá átta mánaða rekstrarstöðu HSSA. Framlög til hjúkrunarrýma hafa verið skert sbr. bréf frá Tryggingastofnun ríkisins dags. 5. júlí 2007 í mars voru þau t.d. 13.564.980.- en í ágúst 7.434.652.-. Nefndarmenn lýsa furðu sinni yfir því að Tryggingastofnun sé byrjuð að skerða greiðslur til HSSA á meðan unnið er að nýjum þjónustusamningi sbr. bréf framkvæmdastjóra HSSA til TR og Heilbrigðisráðuneytis dags. 10. júlí sl.
Einnig eru framlög til heilsugæslu lægri en gert er ráð fyrir í fjárhagsáætlun 2007.
Athugasemdir frá Eldvarnareftirliti Austur-Skaftafellssýslu varðandi eldvarnir í húseign HSSA, Víkurbraut 29-31.
Greint frá tilboði Rafhornsins í bruna- og innbrotskerfi og neyðarlýsingu. Ákveðið að ganga að tilboðinu og koma þessu verki af stað sem fyrst.
- Kynninga á alþjóðlegu verkefni um öldrunarþjónustu ,,Our life as elderly“
Guðrún Júlía kynnti verkefnið OLE I sem unnið hefur verið að í bæjunum Bodö Noregi og Lulea Svíþjóð og Færeyjum sl. 3 ár. Í verkefninu er verið er að leita leiða til að veita öldruðum sem besta þjónustu og að þeir geti búið sem lengst heima, þrátt fyrir að öldruðum fjölgi og erfiðara sé að fá fólk til hjúkrunar- og umönnunarstarfa. Nú á að fá fleiri sveitarfélög til samstarfs í OLE II og verður kynningarfundur í byrjun október. HÖR lýsir yfir ánægju með þetta framtak.
Læknamál.
Guðrún Júlía greindi fyrst frá hvað gert hefur verið í þessum málum undanfarin ár: Fundað með Landlækni, Félagi Íslenskra heimilislækna, Heilbrigðisráðuneytinu og fl. Auglýsingar í dagblöðum og læknablaðinu. Leitað samstarfs við heilsugæslu höfuðborgarumdæmis og sjálfstætt starfandi lækna sem eru verktakar.
Guðrún Júlía lagði fram minnisblað með tillögum dags. 17. sept. 2007.
Tillögurnar eru:
a) Ráðning utanaðkomandi ráðgjafa sem hefur góða þekkingu á þessum málum og tengslanet til að aðstoða okkur við að leita lausna við að leysa læknamálin. Læknafélagið og heimilislæknafélagið.
b) Markaðssetja Hornafjörð eins og rætt var um og kemur fram í fundargerðum sl. haust.
c) Heimasíða HSSA.
d) Blönduósmódelið.
e) Samningur við 4-6 verktaka sem taka að sér að manna stöður lækna hjá HSSA.
f) Samningur við aðra Heilbrigðisstofnun um að manna læknastöður hjá HSSA.
g) Fara og kynna Hornafjörð og HSSA fyrir læknanemum þar sem þeir eru flestir í námi s.s. Reykjavík, Kaupmannahöfn og Búdapest.
h) Styrkja læknanema til náms.
i) Hvetja heilbrigðis- og tryggingaráðuneytið til að greina vandann og leita lausnar. Segir í skýrslu ríkisendurskoðunar: ,,Ríkisendurskoðun hvetur ráðuneytið til að ráðast í greiningu á þessu vandamáli sem fyrst og leita lausna.“
Heilbrigðis- og öldrunarráð Hornafjarðar hvetur Heilbrigðis- og tryggingaráðuneytið til að greina mönnunarvanda lækna á Hornafirði eins og hvatt er til í skýrslu ríkisendurskoðunar. Einnig hvetur HÖR til þess að unnið verði markaðsstarf fyrir sveitarfélagið í heild sinni og að heimasíða verði gerð fyrir HSSA.
Framkvæmdastjóra falið að skoða Blönduós leiðina betur og að athuga það að fá aðstoð utankomandi ráðgjafa. Áfram verður unnið í ofangreindum tillögum þar til ásættanleg lausn í læknamálum er fundin.
Ársreikningur Gjafa- og minningarsjóðs Skjólgarðs 2006.
Ársreikningarnir samþykktir og vísað til Gjafa- og minningasjóðs.
Önnur mál.
a. Guðrún Júlía fór yfir starfsmannaíbúðir HSSA, HÖR samþykkir að leigja læknabústaðinn að Sunnubraut á almennum markaði, með ákv. skilmálum.
b. Ásgerður fór yfir skipulag að námskeiðum fyrir ófaglærða, Fagnámskeið 1, sem haldið verður í vetur í samstarfi við Þekkingarnet Austurlands.
Fundi slitið kl. 17:40
