Fundargerð nefndar um íþróttamannvirki 51
51. fundur
Fundur haldinn í ráðhúsi miðvikudaginn 01. október 2008, kl. 17:00
Mætt voru: Friðrik Þór Ingvaldsson formaður, Gestur Halldórsson, Ragnhildur Einarsdóttir, Stefán Ólafsson og Haukur Ingi Einarsson
Gengið var til dagskrár og eftirfarandi tekið fyrir:
1. Veggur utan á sundlaugarhús, efnisval.
Haukur gerði grein fyrir tillögu að steiningu á vegg sundlaugar. Nefndin er sammála um að valið verði efni úr Slufrudal með ljósu yfirbragði.
2. Brautarlínur, baksnúningssúlur, flögg og búnaður fyrir þjófstart
Nefndin leggur til að keyptar verði þrjár brautarlínur fyrir nýju sundlaugina en beðið verði með annan búnað.
3. Vetvangsferð með starfmönnum sundlaugar
Gerð var grein fyrir vetvangsferð sem farin var sl. föstudag með starfsmönnum sundlaugar. Starfmenn spurðust fyrir um hljóðkerfi innan og utandyra, aðstöðu fyrir fatlaða, vegg í gufubað, skjákerfi, yfirbreiðslu yfir sundlaug og þrif á sundlaug. Starfmanni falið að kanna búnað sem þarf til að halda sundlaug, vaðlaug og pottum hreinum. Umræður sköpuðust um yfirbreiðslu sundlaugar.
4. Önnur mál
Nefndin leggur áherslu á að varaflstöð verði keypt í nýju sundlaugina til að dæla vatni úr kjallara (brunnur) sundlaugarbyggingar í rafmagnsleysi. Nefndin leggur áherslu á að gætt verði af afgasi varaaflstöðvar. Starfmanni falið að kanna málið frekar.
Fundi slitið kl. 18:20
