Fundargerð bæjarráðs 500

500. fundur

Fundur haldinn í bæjarráði Hornafjarðar í Ráðhúsi mánudaginn 26. apríl 2010 kl. 16:00.

Mættir voru: Árni Þorvaldsson formaður, Reynir Arnarson og Björn Ingi Jónsson. Einnig Hjalti Þór Vignisson bæjarstjóri, Stefán Ólafsson framkvæmdastjóri fræðslu- og félagssviðs og Haukur Ingi Einarsson framkvæmdastjóri tækni- og umhverfissviðs.

1.      Fundargerðir

·         Almannavarnanefnd Hornafjarðar, 35. fundur, 15. apríl 2010.

Sagt frá því að nefndin muni aftur funda í kvöld, 26. apríl.

Fundargerð samþykkt.

·         Atvinnumálanefnd Hornafjarðar, 58. fundur, 19. apríl 2010.

Bæjarráð tekur undir það sem fram kemur í 2. lið á fundi atvinnumálanefndar.

Fundargerð samþykkt.

·         Byggingar- og skipulagsnefnd Hornafjarðar, 124. fundur, 21. apríl 2010. 

Bæjarráð tekur undir það sem fram kemur í 3. lið, breytingar á aðalskipulagi á Lambleiksstöðum á Mýrum og vísar til afgreiðslu í bæjarstjórn. Björn Ingi ræddi 2. lið á dagskrá nefndarinnar. Sagði mikilvægt að hlustað verði á skoðanir íbúanna hvað snertir val á kirkjugarðsstæði. Urðu um þetta mál töluverðar umræður og ræddir möguleikar á staðsetningu kirkjugarðs sem og hugsanlega aukna nýtingu á núverandi svæði. 

Bæjarráð samþykkir að 7. lið og 12. lið á fundi nefndarinnar verði vísað til afgreiðslu í bæjarstjórn.

Bæjarráð samþykkir að úthluta byggingarlóðinni Hagatúni 16 til umsækjanda, sbr. 14. lið á fundi nefndarinnar.  

Fundargerð samþykkt.

·         Hafnarstjórn Hornafjarðarhafnar 123. fundur, 23. apríl 2010.

Fram kom að fyrirhugaður fyrirhleðslugarður í Sílavík er verkefni hafnarinnar.

Fundargerð samþykkt.

·         Menningar- og tómstundanefnd Hornafjarðar, 18. fundur, 14. apríl 2010.

Samþykkt að forseti bæjarstjórnar fari til fundar við Karl Ómar Jónsson vegna Svavarssafns.

Fundargerð samþykkt.

·         Umhverfisnefnd Hornafjarðar, 96. fundur, 12. apríl 2010.

Haukur Ingi greindi frá umhverfisviðurkenningum í sveitarfélaginu. Einnig greindi hann frá frekari flokkun sorps. Sagði að nú verði farið að taka á móti hörðu plasti til viðbótar við annað sem flokkað er. Lögð áhersla á kynningu á flokkun.

Fundargerð samþykkt.

·         Svæðisráð Suðursvæðis Vatnajökulsþjóðgarðs, 20. fundur, 23. apríl 2010.

Hjalti greindi frá vinnu við verndaráætlun fyrir suðursvæðið.  

2.      Eldhús í Mánagarði – kostnaðaráætlun

Bæjarráð er jákvætt fyrir ákv. breytingum á eldhúsi í Mánagarði og samþykkir að vísa erindinu til endurskoðunar á fjárhagsáætlun 2010.

3.      Fjögurra ára samgönguáætlun um hafnaframkvæmdir og sjóvarnir 2011-2014

Vísað til umsagnar í hafnarstjórn.

4.      Ósk um styrk og leyfi vegna ljósalistaverks á nýja vatnstanknum

Starfsmönnum falið að óska eftir frekari upplýsingum um málið.

5.      Innsend erindi

·         Menningarráð Austurlands, bréf dags. 12. apríl 2010, tilnefning fulltrúa sveitarfélagsins á aðalfund menningarráðs á Eiðum 12. maí nk.

Bæjarráð tilnefnir  og Björk Pálsdóttur,  Björgu Erlingsdóttur og Hermann Hansson sem fulltrúa á fundi ráðsins.

·         Sjávarútvegs- og landbúnaðarráðuneytið, bréf dags. 14. apríl 2010, um að takið verði tillit til  athugasemda Bændasamtaka Íslands á drögum að samþykkt um búfjárhald í Sveitarfélaginu Hornafirði.

Til kynningar.

·         Ríkisendurskoðun, bréf dags. 16. apríl 2010, athugun á viðbrögðum við ábendingum Ríkisendurskoðunar í skýrslum hennar – varðar HSSA.

Vísað til heilbrigðis- og öldrunarráðs.

·         Orkustofnun, tölvupóstur 20. apríl 2010, leyfi til handa Vegagerðarinnar til efnistöku við Breiðá.

Til kynningar.

·         Landmælingar Íslands, tölvubréf dags. 20. apríl 2010, málþing um sameiginlegt hnitakerfi fyrir Ísland.

Til kynningar.

·         Ungmennafélag Íslands, tölvubréf dags. 21. apríl 2010, bréf og ályktun ungmenna frá ráðstefnunni Ungt fólk og lýðræði sem haldin var á Laugum í Sælingsdal 7.-9. apríl sl.

Vísað til ungmennaráðs og menningar- og tómstundanefndar.

 6.      Önnur mál

·         Í reglum um leikskóla segir: „Þegar sótt er um leikskólavist fyrir barn þarf viðkomandi að vera með skráð lögheimili í sveitarfélaginu.“ Rætt um áhrif þessa ákvæðis. Samþykkt að afla ákv. upplýsinga um málið og taka það fyrir á næsta fundi bæjarráð.  

·         Farið yfir samgönguáætlun. Bæjarráð felur starfsmönnum að fara yfir áætlunina og taka saman minnisblað um fyrirhugaðar framkvæmdir í Hornafirði.

Fundi slitið kl. 18:00