Sveitarfélagið Hornafjörður vinnur að viðhaldi Heppuskóla.
Skóla-, íþrótta-, og tómstundanefnd leiddi hönnunarvinnu í samstarfi við ASK arkitekta er snýr að heildar viðhaldi Heppuskóla. Hönnunin tekur bæði á viðhaldi utan húss og endurbótum innan veggja skólans.
Fyrsti áfangi sem nú er unnið að snýr að endurbótum á utanhússklæðningu skólans. Verkið felst í að rífa núverandi múrning niður og setja upp flísaklæðingu í bland við timburklæðingu. Klæðningin samanstendur af 30x60 cm flísum sem eru ljósar og rauðbrúnar. Einnig verða gluggar endurnýjaðir og inngangur skólans endurbættur. Áfangar er snúa að innanhússbreytingum fara ekki fram í þessari lotu. Með þessari framkvæmd er tekið eitt skref til viðbótar í viðhaldi á skólahúsnæði sveitarfélagsins en á síðustu þrem árum er búið að fara í endurbæta á Hafnarskóla, Sindrabæ og leikskólanum Lönguhólum ásamt hefðbundnu viðhaldi í Hrollaugsstaðaskóla og leikskólans Krakkakoti.
Skrifa athugasemd