Fundargerð bæjarstjórnar 92
92. fundur
Fundur haldinn í Ekru, fimmtudaginn 8. nóvember 2005 kl. 16:00.
Mætt voru: Halldóra B. Jónsdóttir, forseti, Elín Magnúsdóttir, Björn E. Traustason, Reynir Arnarson, Ólafur Sigurðsson og Kristín G. Gestsdóttir. Einnig: Albert Eymundsson, bæjarstjóri, Hjalti Þór Vignisson, Ásta H. Guðmundsdóttir, Helgi Már Pálsson og Stefán Ólafsson.
Gengið var til dagskrár og eftirfarandi tekið fyrir:
1. Fundargerðir
Bæjarráð Hornafjarðar 307. fundur 6. október 2005
· Félagsmálaráð Hornafjarðar 132. fundur 27. september 2005.
· Heilbrigðis- og öldrunarráð Hornafjarðar 63. fundur29. september 2005 ásamt Gjafa og minningarsjóðs Skjólgarðs sama dag.
· Skólanefnd Hornafjarðar 75. fundur 28. september 2005.
· Æskulýðs- og tómstundarráð 71. fundur 26. september 2005.
· Ráðgjafanefnd þjóðgarðsins í Skaftafelli, dags. 21. feb. 2005 og 12. ágúst 2005.
Kristín spurði um hvernig gengi að fjármagna rekstur Háskólaseturs. Forseti ræddi um uppbyggingu íþróttamannvirkja í tengslum við landsmót 2007.
Bæjarstjóri upplýsti um vinnu varðandi fjármögnun Háskólaseturs og ræddi um vinnu starfshóps um uppbyggingu mannvirkja í tengslum við landsmót.
Fundargerð samþykkt.
Bæjarráð Hornafjarðar 308. fundur 20. október 2005
· Heilbrigðis- og öldrunarráð Hornafjarðar 64. fundur, 6.október2005.
· Menningarmálanefnd Hornafjarðar 71. fundur, 10. október2005.
· Félagsmálaráð Hornafjarðar 133. fundur, 11. október 2005.
Björn Emil spurði um viðræður við flugrekstraraðila og hvort skýringar hafi fengist á því að flug hafi fallið niður þrátt að vel hafi viðrað til flugs.
Reynir ræddi um flutning upplýsingamiðstöðvar og spurði um fjárhagslegan ávinning í tengslum við það. Þá ræddi hann um gildi Háskólaseturs fyrir samfélagið og lagði áherslu á að fjármögnun yrði tryggð. Reynir upplýsti um samtöl sín við flugrekstraraðila.
Kristín gerði flugmál að umtalsefni og tók undir bókun bæjarráðs. Hún spurði um áhrif flóða á mannvirki í sveitarfélaginu.
Elín spurði um úrræði sem til staðar eru í sveitarfélaginu fyrir börn sem verða fyrir ofbeldi og hvort kennurum og þeim sem vinna með börnum sé boðið upp á námskeið í því að liðsinna þeim börnum.
Forseti tók undir bókun bæjarráðs varðandi góð viðbrögð starfsmanna við þær aðstæður sem sköpuðust í flóðum. Þá ræddi hún um tíða flutninga á upplýsingamiðstöð. Einnig ræddi hún um flugmál og upplýsti um fund sem hún átti með flugrekstraraðilum.
Bæjarstjóri upplýsti um viðræður um flugmál og þá hagræðingu sem hlýst af flutningi upplýsingamiðstöðvar.
Einnig ræddi hann um fráveitumál. Hann svaraði að tjón hafi orðið sáralítil á eignum sveitarfélagsins vegna flóða.
Þá ræddi hann um hvernig tekið er á ofbeldi á börnum og upplýsti m.a. að ákveðið er að halda námskeið um þetta efni fyrir kennara og nemendur í grunnskólunum sem fyrsta skref í þessa veru.
Elín lagði til að starfsfólk leikskóla yrði einnig boðið upp á námskeið til að liðsinna börnum sem verða fyrir ofbeldi.
Fundargerð samþykkt.
Bæjarráð Hornafjarðar 309. fundur fimmtudaginn 27. október 2005
· Æskulýðs- og tómstundaráð Hornafjarðar, 72. fundur 24. október 2005.
· Samband íslenskra sveitarfélaga, 728. fundur, dags. 23. september.
Björn Emil spurði um leiksvæði í Nesjahverfi og lóðaframboð í sveitarfélaginu.
Kristín gerði samgöngur milli Lóns og Álftafjarðar að umtalsefni.
Reynir tók undir orð Kristínar. Þá upplýsti hann um skýrslu sem unnin hefur verið fyrir SSA um jarðgöng á Austurlandi.
Forseti tók undir orð Kristínar og Reynis.
Bæjarstjóri upplýsti um ástæður þess að dregist hefur að koma upp leiksvæði í Nesjahverfi. Þá ræddi hann um lóðaframboð í sveitarfélaginu.
Fundargerð samþykkt.
Bæjarráð Hornafjarðar 310. fundur, fimmtudaginn 3. nóvember 2005
· Félagsmálaráð, 134. fundur, 25. október 2005.
· Skólanefnd, 76. fundur, 26. október 2005
Elín ræddi um tillögur um breytingu á skipan lögregluembætta og las upp eftirfarandi bókun:
„Bæjarstjórn Hornafjarðar fellst á þau megin markmið sem sett eru fram í tillögum framkvæmdanefndar um nýskipan lögreglumála. Bæjarstjórn telur að rannsókn og saksókn stærri mála styrkist við sérhæfingu og öflugri deildir. Aftur á móti ítrekar bæjarstjórn að Austur-Skaftafellssýsla hefur landfræðilega sérstöðu í þessum málum eins og svo mörgum öðrum. Það er vandséð að íbúar á Suðausturhorninu fái betri löggæsluþjónustu undir stjórn sýslumannsins á Eskifirði. Austur - Skaftafellssýsla er mitt á milli tveggja lögregluumdæma samkvæmt tillögum framkvæmdanefndarinnar og vegalengdir innan sveitarfélagsins miklar, um 200 km enda á milli. Auk þess kallar vaxandi umferð ferðamanna á virka og sýnilega löggæslu í héraðinu. Það er því brýnt, áður en endanleg ákvörðun er tekin, að bæjarstjórn Hornafjarðar fái fund með dómsmálaráðherra til að ræða skipan lögreglumála í Austur-Skaftafellssýslu.“
Elín óskaði eftir upplýsingum um fund á Egilstöðum um þessi mál.
Björn spurði um skýrslu Hönnunar um sundlaugarmál.
Forseti ræddi um innihald skýrslu Hönnunar.
Bæjarstjóri upplýsti um fund á Egilsstöðum um lögreglumál.
Forseti las upp bókun og lagði hana fram til atkvæðagreiðslu. Samþykkt samhljóða.
Fundargerð samþykkt.
Bæjarstjórn Hornafjarðar 90. fundur 6. október 2005 áður samþykkt.
2. Endurskoðun á fjárhagsáætlun HSSA 2005
Samþykkt samhljóða.
3. Fjárhagsáætlun 2006 - fyrri umræða
Bæjarstjóri fylgdi áætluninni úr hlaði. Helstu niðurstöðu tölur við fyrri umræðu eru þessar:
A-hluti:
Skatttekjur bæjarsjóðs eru áætlaðar 811,3 m.kr.
Rekstur málaflokka eru áætlaður 752,5 m.kr.
Gjöld vegna eignasjóðs og þjónustustöðvar eru áætluð 20.3 m.kr.
Mismunur tekna og gjalda A-sjóðs sveitarfélagsins er því afgangur um 38,5 m.kr.
Greiðslubyrði lána er um 22,8 m.kr.
Rekstur og afborganir umfram tekjur eru því áætlaðar 15,7 m.kr.
B-hluti:
Tekjur umfram gjöld verði því um 22.3 m.kr.
Tekjur umfram gjöld verði um 4,1 m.kr.
Afgangur til greiðslu afborgana verður um 5,4 m.kr. en afborganir langtímalána er um 8 m.kr.
Fjárhagsáætlun Heilbrigðisstofnunar Suðausturlands verður tekin fyrir við aðra umræðu í bæjarstjórn.
Bæjarstjóri sagði mikinn áhuga á byggingu sundlaugar og ljúka því verki fyrir ungmennamót í ágúst UMFÍ 2007. Um er að ræða framkvæmd sem gæti kostað um 250 m.kr. fyrir utan aðrar nauðsynlegar framkvæmdir á næstu árum. Verulegur kostnaður mun strax falla til á næsta ári verði ákveðið að byggja nýja sundlaug á þessum tíma.
Bæjarstjóri lagði fram eftirfarandi tillögu að álagningarreglum fyrir árið 2006:
Útsvar 13,03%
Fasteignaskattur
- íbúðarhúsnæði 0,50%
- atvinnuhúsnæði 1,62%
Lóðarleiga
- íbúðarlóðir (af lóðarmati) 1,00%
- iðnaðarlóðir (af lóðarmati) 1,00% aðrar lóðir (af lóðarmati) 1,00%
Holræsagjald 0,30%
Vatnsgjöld 0,18%
Forseti ræddi um uppbyggingu íþróttamannvirkja.
Bæjarstjórn samþykkir fyrirliggjandi tillög að álagningarreglum 2006 með fimm atkvæðum. Kristín sat hjá.
Bæjarstjórn vísar fjárhagsáætlun 2006 til seinni umræðu.
4. Fyrirspurnir
Engar.
Fundi slitið kl. 18.15
