Í dag var athöfn við Jökulsárlón þar sem Björt Ólafsdóttir umhverfis- og auðlindaráðherra skrifaði undir reglugerð sem felur í sér friðlýsingu fyrir jörðina Fell þar sem Jökulsárlón fellur undir og mun Jökulsárlón falla undir Vatnajökulsþjóðgarðinn í framtíðinni og verða hluti af honum.

Sveitarfélagið Hornafjörður hefur samið, eftir útboðsferli, við Íslenska Gámafélagið um sorphirðu, rekstur gámastöðvar og urðunarstaðar í sveitarfélaginu. Áhersla verður lögð á enn betri flokkun og endurvinnslu í samræmi við stefnu bæjarstjórnar og umhverfisstefnu sveitarfélagsins. Samningurinn tekur gildi þann 1. ágúst n.k.

Samkvæmt jafnréttisáætlun sveitarfélagsins skal framkvæma úttekt á launamuni kynjanna árlega. Markmið úttektarinnar er að kanna kynbundin launamun.  Könnunin leiddi í ljós að grunnlaun kvenna væru 0,6% hærri en grunnlaun karla. Heildarlaun karla voru 2,3% hærri en heildarlaun kvenna.

Sveitarfélagið hefur fest kaup á rafbíl að gerðinni Nissan Leaf fyrir  heimaþjónustudeildina þar verður bíllinn nýttur til daglegra starfa deildarinnar og  kemur í stað eldri bifreiðar sem deildin hafði til umráða.

Sveitarfélagið vinnur um þessar mundir að umferðaröryggisáætlun sem gefa á út í lok ársins, á heimasíðu sveitarfélagsins undir  þátttaka er óskað eftir ábendingum íbúa í umferðaröryggi í þéttbýli.