Íbúafundur

Íbúafundur verður á Hótel Höfn kl. 20.00 fimmtudaginn 18. nóvember. Þar verður farið yfir stöðuna í heilbrigðismálum og fjármálum sveitarfélagsins. Í umræðunni á Hornafirði er lögð áhersla á að verja eftirfarandi grunnþjónustu í heilbrigðismálum:

o   Almenna heilsugæslu

o   Hjúkrunarþjónustu fyrir langveika og aldraða

o   Bráðaþjónustu fyrir veika og slasaða

o   Fæðingar og sængurlegu samkvæmt skilgreiningu um D-fæðingarstað

o   Eftirlit með sjúklingum sem lent hafa í slysi eða bráðaveikindum og bíða flutnings á hærra eða lægra þjónustustig.

o   Endurhæfingu eftir aðgerðir, veikindi og slys, sem styttir legutíma á hátæknisjúkrahúsi

o   Hvíldarinnlagnir og skammtímavistun til greiningar og endurhæfingar

o   Líknandi meðferð

o   Lyfjagjöf sem annars kallaði á dagsheimsókn til Reykjavíkur