Þrítugasta og annað þorrablót Hornfirðinga á stór-Reykjavíkursvæðinu
Niðurtalning á Þorrablót Hornfirðinga á Stór-Reykljavíkursvæðinu er hafin, en blótið verður haldið laugardaginn 6. febrúar n.k. í félagsheimilinu á Seltjarnarnesi. Tekist hefur að halda miðaverði á væntanlegt Þorrablót í algeru lágmarki eða kr.5.500 en það má að sjálfsögðu þakka dyggri tryggð blótsins við Veisluþjónustuna, sem þorrablótsnefnd Hornfirðingablótsins hefur skipt við nánast án undantekninga í 20 ár.
Að þessu sinni skipa nefndina: Anna Vilborg Sölmundardóttir, Stefán Rósar Esjarsson, Halldóra Eymundsdóttir, Jóhanna Arnbjörnsdóttir, Jón Ingi Ingibergsson og Hilmir Steinþórsson.
Það verður Hljómsveit Hauks Þorvaldssonar og Bjartur Logi sem munu sjá um dansinn en ekki þarf að fara mörgum orðum um þessa viðfrægu hljómsveit og sennilega þá langlífustu sem Hornafjörður hefur alið eins og segir á vefsíðu nefndarinnar.
