Bæjarráð Hornafjarðar

Fundargerð almannavarnarnefndar nr. 71 lögð fram.

Fundargerð atvinnu- og menningarmálanefndar nr. 91 lögð fram.

Fundargerð fræðslu- og frístundanefndar nr. 141 lögð fram.

Fjármálastjóri leggur fram uppfærða verk- og tímaáætlun vegna fjárhagsáætlunar 2027-2031 til samþykktar.

Lagt er til að fresta fundi bæjarstjórnar sem átti að vera fimmtudaginn 8. október kl. 15:00 til fimmtudagins 15. október 2026 kl. 15:00 vegna fjármálaráðstefnu Sambands íslenskra sveitarfélaga sem haldin verður dagana 8. - 9. október í Reykjavík.

Sviðsstjóri stjórnsýslu- og fjármálasviðs og fjármálastjóri leggja fram drög að fyrirmynd um samninga um rekstrarstyrki sveitarfélagsins.

Fram hefur komið ósk um að Sveitarfélagið Hornafjörður taki að sér að sinna akstri íbúa á hjúkrunarheimilinu Skjólgarði vegna einkaerinda. Nýverið var gerður samstarfssamningur milli velferðarsviðs og Vigdísarholts ehf. sem kveður á um að Vigdísarholt geti nýtt þjónustu sérútbúinnar bifreiðar akstursþjónustu aldraðra hjá sveitarfélaginu vegna nauðsynlegrar læknisþjónustu. Sá samningur nær ekki yfir ferðir sem íbúar óska eftir til að sinna einkaerindum. Lagt er fram minnisblað sviðsstjóra velferðarsviðs um málið, óskað eftir afstöðu bæjarráðs til erindisins og ef komi til þjónustunnar, hvernig hún skuli útfærð.

Lagt er fram minnisblað sviðsstjóra velferðarsviðs, ásamt drögum að samstarfssamningi á milli Sveitarfélagsins Hornafjarðar og Vigdísarholts ehf. um framkvæmd akstursþjónustu fyrir íbúa á hjúkrunarheimilinu Skjólgarði á Höfn. Samningurinn felur í sér að velferðarsvið taki að sér að sinna nauðsynlegum akstri íbúa Skjólgarðs til að sækja heilbrigðis- og læknisþjónustu að beiðni rekstraraðila. Aksturinn verður framkvæmdur af starfsmanni stuðnings- og virkniþjónustu á sérútbúinni bifreið akstursþjónustu aldraðra og fatlaðs fólks. Sveitarfélagið mun innheimta gjald fyrir þjónustuna hjá Vigdísarholti ehf. sem tekur mið af raunkostnaði við aksturinn, launum bílstjóra og rekstri bifreiðarinnar. Með samningnum er stuðlað að hagkvæmri nýtingu á innviðum og starfsfólki sveitarfélagsins auk þess sem íbúum Skjólgarðs er tryggður öruggur og faglegur flutningur án þess að útgjöld sveitarsjóðs aukist.

Sviðsstjóri velferðarsviðs leggur fram drög að endurskoðuðum reglum um frístundaþjónustu fyrir fötluð börn og ungmenni.

Sviðsstjóri velferðarsviðs leggur fram drög að endurskoðuðum reglum um notendasamninga einstaklinga og barnafjölskyldna í sveitarfélaginu.

Sviðsstjóri velferðarsviðs leggur fram drög að endurskoðuðum reglum um notendastýrða persónulega aðstoð.

Sviðsstjóri velferðarsviðs leggur fram drög að endurskoðuðum reglum um þjónustu við fötluð börn og fjölskyldur þeirra.

Fræðslu- og frístundanefnd samþykkti uppfærðar reglur um styrk til foreldra vegna aksturs leikskólabarna og vísaði reglunum til bæjarráðs og bæjarstjórnar til afgreiðslu.

Bæjarráð vísaði málinu til umræðu í atvinnu- og menningarmálanefnd og í fræðslu- og frístundanefnd. Báðar nefndir voru jákvæðar fyrir samstarfinu í tengslum við ákveðin verkefni í Grunnskóla Hornafjarðar til að dýpka þekkingu nemenda og vísuðu málinu aftur til bæjarráðs til umræðu um framhald málsins.

Bæjarstjóri leggur fram minnisblað um hugmyndir um alþjóðlega ráðstefnu um friðlýst svæði, atvinnulíf og nærsamfélög.

Bæjarstjóri leggur fram drög að svörum við erindi frá stéttarfélögum varðandi aðgerðir sveitarfélagsins í tengslum við efnahagslegan stöðugleika. Í svörunum kemur eftirfarandi fram:



Gjaldskrár - hámark 2,5%.

- Sveitarfélagið hefur ákveðið að hækka ekki gjaldskrár umfram 2,5%

- Frá kosningum hefur sveitarfélagið fellt niður kostnað vegna fæðis á leikskólum. Þá er allur skólamatur í sveitarfélaginu að kostnaðarlausu fyrir heimili.

- Fyrirhugaðar eru lækkanir á fráveitu- og fasteignagjöldum.



Framboð byggingarsvæða og byggingarhæfra lóða.

- Nýtt hverfi er í undirbúning og fjöldi lóða verða tilbúnar til byggingar.

- Núna eru þrjár einbýlishúsalóðir og þrjár fjölbýlishúsalóðir í þéttbýli lausar til úthlutunar. Í byggingu eru þrjú fjölbýlishús með samtals 18 íbúðum. Næsta sumar verður lokið við fyrsta áfanga í uppbyggingu nýs íbúðahverfis. Í þeim áfanga verða fjórar einbýlishúsalóðir, þrjár parhúsalóðir og þrjár fjölbýlahúslóðir.



Almennar íbúðir og sérstakur húsnæðisstuðningur.

- Viðræður eru um að Brák íbúðafélag taki yfir Íbúðafélagi Hornafjarðar, alls sex íbúðir. Fyrir nokkru misserum lagði sveitarfélagið fjölmargar íbúðir í Bríet leigufélag. Samhliða þessu var gerð viljayfirlýsing um uppbyggingu á svæðinu.

- Viðmiðunarupphæðir um sérstakan húsnæðisstuðning voru hækkaðar 1. janúar 2026 og er þá horft til nágranna sveitarfélaga. Árlegar er metið hvort ástæða sé til að breyta umræddum upphæðum.



Að brúa bilið milli fæðingarorlofs og leikskóla.

- Sveitarfélagið býður öllum börnum leikskólapláss við 12 mánaða aldur svo lengi sem grunnmönnum er tryggð.

- Húsnæði leikskólans er nægilega stórt fyrir börn frá 12 mánaða aldri fram að grunnskólagöngu.

Bæjarstjóri leggur fram minnisblað fyrir fund með svæðisstjóra Vegagerðarinnar.

Bæjarstjóri leggur fram minnisblað um samtal við Guðmund Daða Rúnarsson forstjóra Gangna og brúar ohf., nýstofnaðs rekstrar-, fjármögnunar- og eignarhaldsfélags í eigu íslenska ríkisins. Hlutverk félagsins er að undirbúa, hanna, fjármagna og annast framkvæmdir stærri samgöngumannvirkja sem styðja við öruggar, skilvirkar og nútímalegar samgöngur á Íslandi.

Erindi bárust frá fjórum félagsamtökum (stjórn Félags fjallaleiðsögumanna á Íslandi - AIMG, Ungmennafélagi Öræfa, Klifurfélagi Öræfa og stjórn Fjallaskóla Íslands) varðandi byggingu fjölnota frístundahúss á svæðinu.