Almannavarnir á Suðurlandi fylgjast vel með gangi mála og skólahald mun falla niður víða á Suðurlandi. Veðurstofan telur talsverðar líkur á foktjóni og samgöngutruflunum. Fólki er ráðlagt að ganga vel frá lausum munum. Ekkert ferðaveður er á svæðinu á meðan viðvörunin er í gildi. Þar sem veðurofsinn gengur yfir allt landið eru líkur á rafmagnstruflunum.
Ekki hefur verið tekin ákvörðun um að fella niður skólahald á Höfn ennþá. Foreldrar skólabarna á Höfn eru beðnir um að fylgjast vel með stöðu mála og halda börnum heima við ef veðrið verður mjög slæmt.