Búið er að setja af stað vettvangsteymi á Höfn sem heldur utan um hópinn og hringir í einstaklinga í sóttkví.
Því er beint til íbúa að virða samkomubannið sem er í gildi og halda uppi tilmælum um 2 m. bil á milli einstaklinga og halda uppi öflugu hreinlæti. Með þessum hætti náum við að draga úr fjölgun smita og draga úr álagi á heilbrigðisþjónustuna. Beinum því einnig til íbúa að halda ró sinni og yfirvegun, það voru ágæt tilmæli Víðs Reynissonar að deila glaðlegum myndum á fésbókinni til að viðhalda léttri lund.
Matthildur Ásmundardóttir, bæjarstjóri.