Heildarfjöldi smitaðra á Suðurlandi eru 84 og er aukning tilfella á landinu öllu með því lægsta sem gerist í Evrópu og á Íslandi eru flest sýni tekin á heimsvísu.
Hér á Hornafirði gengur vel að halda dreifingu smita í skefjum eins og er, einstaklingar í sóttkví eru af svipaðum fjölda. Heilsugæslan er að ná að þjónusta fólk í gegnum síma og frekar lítið er um slys í samfélaginu sem betur fer, gott að fara varlega á þessum tímum. Mikið er um veikindi, hálsbólgur, kvef og barnavírusa. Við beinum því til íbúa að ef þeir finna fyrir einkennum flensu eða annars þá að halda sig heima við á meðan veikindin ganga eftir.
Sveitarfélagið hefur nú tekið saman upplýsingar um opnun og þjónustu veitingastaða og hvetjum við íbúa til að nýta sér þjónustu þeirra til að halda uppi veltu í samfélaginu. Búið er að setja upp sér síðu sem heldur utan um upplýsingar tengt Covid-19 á heimasíðunni til að auðvelda upplýsingagjöf.
Bent er á þjónustu Rauðakrossins í símanúmerinu 1717 ef einstaklingar óska eftir stuðningi í formi símtala eða annað sem herjar á.