Í stuttu máli: Við berum öll ábyrgð — íbúar, fyrirtæki og sveitarfélag.
Hvernig þú getur hjálpað til við að draga úr rusli í umhverfinu:
- Forðastu að meðhöndla plast eða létt rusl í miklum vindi. Það getur auðveldlega fokið burt.
- Safnaðu saman smáu rusli í stærri poka áður en því er hent. Það minnkar líkur á að rusl fjúki. Gættu þess að ruslið sé rétt flokkað.
- Aldrei skilja eftir rusl, pappír, flöskur eða annan úrgang utan við tunnur. Settu allan úrgang alltaf beint í tunnuna.
- Tryggðu að ruslatunnur standi stöðugar og fjúki ekki um koll og gættu þess að lok þeirra séu lokuð.
- Vertu vakandi yfir þínu nærsvæði. Ef eitthvað fýkur inn á eða við lóðina þína, tíndu það upp — jafnvel þó það sé ekki þitt rusl.
- Fyrirtæki: Gætið þess að tunnur séu aðgengilegar og tæmdar reglulega.
- Tryggið að létt efni eins og frauðplast eða plast fjúki ekki við flutning eða affermingu. Slík efni enda oft í náttúrunni.
Smáatriði skipta miklu máli. Margar hendur vinna létt verk og saman getum við haldið Sveitarfélaginu Hornafirði hreinu, öruggu og fallegu fyrir alla, bæði fyrir menn og dýr!
Ef þú hefur spurningar eða tillögur, skildu eftir skilaboð á íbúagáttinni eða sendu tölvupóst á xiaoling@hornafjordur.is