Almannavarnanefnd

Sigríður Sif Gylfadóttir kynnti hættumat vegna berghlaups úr Svínafellsheiði. Ákveðið að halda kynningarfundi fyrir hagsmunaaðila og jafnframt sérfund fyrir almenning í gegnum fjarfund.

Starfsmanni falið að laga erindisbréfið í samræmi við athugasemdir og senda nefndarmönnum til samþykktar.

Jákvæð smit í Sveitarfélaginu Hornafirði eru nú sex og fjórir einstaklingar eru í sóttkví. Komið hefur fram að loka þurfti Grunnskóla Hornafjarðar í síðustu viku vegna smitrakningar og fóru þá um 80 einstaklingar í sóttkví í kjölfarið. Rakning fór að mestu fram í heimabyggð og gekk vel að samstilla aðgerðir. Skimun í lok sóttkvíar kom vel út og hefur enginn greinst jákvæður af Covid í kjölfarið. Sóttvarnir virðast því hafa skilað góðum árangri. Jákvæð smit eru að greinast víða á Suðurlandi, þó er ekki um neinar hópsýkingar að ræða. Við hvetjum íbúa til að huga sérstaklega vel að einstaklingsbundnum sóttvörnum og nota grímur þar sem fjarlægðarmörkum er ekki náð.